16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Մարկո Ռուբիոն և Հաքան Ֆիդանը հեռախոսազրույցում քննարկել են ՌԴ-Ուկրաինա ստամբուլյան բանակցությունները
Քաղաքականություն
03.06.2025 | 18:51
Թուրքիայի ԱԳ նախարար Հաքան Ֆիդանն ու ԱՄՆ պետքարտուղար Մարկո Ռուբիոն հեռախոսազրույց են ունեցել, հաղորդում է TRT Haber-ը։
Թուրքիայի ԱԳՆ աղբյուրների տեղեկատվության համաձայն՝ քննարկվել են Ռուսաստանի և Ուկրաինայի միջև պատերազմը դադարեցնելու ուղղությամբ ձեռնարկված քայլերը և նախօրեին Ստամբուլում կայացած բանակցությունների արդյունքները։
Զրույցի ընթացքում գնահատվել են նաև Սիրիայում և Գազայում տեղի ունեցած վերջին զարգացումները։ Զրույցի այլ մանրամասներ չեն հաղորդվում։
Հիշեցնենք, որ հունիսի 2-ին Ստամբուլում տեղի է ունեցել ՌԴ-ի ու Ուկրաինայի պատվիրակությունների հանդիպումը։
Հավելենք, որ Ստամբուլում կայացած հանդիպումից հետո հրավիրված մամուլի ասուլիսում ՌԴ նախագահի խորհրդական, ռուսական պատվիրակության ղեկավար Վլադիմիր Մեդինսկին հայտարարել էր, որ Ուկրաինայի հետ բանակցությունների ընթացքում Ռուսաստանն առաջարկել է ռազմաճակատի որոշակի հատվածներում երկու-երեք օրով հրադադար հաստատել՝ զոհվածների մարմինները հավաքելու համար։
Ուկրաինայի պատվիրակության ղեկավար, պաշտպանության նախարար Ռուստեմ Ումերովն էլ հայտարարել էր, որ բանակցություններում Ռուսաստանը և Ուկրաինան համաձայնության են եկել փոխանակել ծանր հիվանդ և ծանր վիրավորված ռազմագերիներին, ինչպես նաև 18-ից 25 տարեկան գերիներին, «6000-ը 6000-ի դիմաց» ձևաչափով զոհերի մարմինները։
Թարգմանությունը՝ Էմմա Չոբանյանի
