24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
2 զոհ, 129 վիրավոր. ՊՍԺ-ի հաղթանակից հետո սկսված անկարգությունների հետևանքները
Քաղաքականություն
01.06.2025 | 16:33
Երկու մարդ զոհվել է, 192-ը՝ վիրավորվել Եվրոպայի ամենահեղինակավոր ակումբային մրցաշարի՝ ՈՒԵՖԱ-ի Չեմպիոնների լիգայի, «Պարի Սեն-Ժերմեն» ֆուտբոլային ակումբի (ՊՍԺ) առաջին հաղթանակից հետո սկսված անկարգությունների հետևանքով։ Այս մասին կիրակի՝ հունիսի 1-ին, հայտնել է ֆրանսիական TF1 Info հեռուստաալիքի լրատվական ծառայությունը։
Դաքս քաղաքում 17-ամյա մի տղա մահացել է կրծքավանդակին ստացած դանակի հարվածից։ Կասկածյալը հետախուզվում է։
Փարիզի 15-րդ շրջանում մեքենան, որը ենթադրաբար տեղափոխում էր ՊՍԺ-ի երկրպագուներ, բախվել է սկուտերին, և վերջինիս վարորդը մահացել է։
Միևնույն ժամանակ, Ֆրանսիայի մայրաքաղաքում ձերբակալվել է 559 մարդ, այդ թվում՝ 491 անչափահաս։ 320 մարդ կալանավորվել է, որոնցից 254-ը՝ Փարիզում։
Ներքին անվտանգության գործակալությունների 22 աշխատակից վիրավորվել է, որոնցից 18-ը՝ մայրաքաղաքում։ Վիրավորվել է յոթ հրշեջ-փրկարար։ Գրանցվել է 692 հրդեհ, որոնցից 264-ի դեպքում մեքենաներ են վնասվել։
