06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
«Ամոթ»․ քաղաքացիները` Փաշինյանի գրառումների մասին․ ՏԵՍԱՆՅՈՒԹ
Քաղաքականություն
30.05.2025 | 17:00
Այսօր առավոտյան Նիկոլ Փաշինյանը ֆեյսբուքյան պաշտոնական էջում մեկը մյուսի հետևից մի քանի գրառում է արել՝ ուղղված Հայ Առաքելական եկեղեցու հոգևոր դասին։ Սոցցանցի օգտատերերից շատերը տարակուսած են օգտագործված բառապաշարից, ոմանք անգամ կարծիք էին հայտնում, թե գուցե վարչապետի էջը կոտրել են։
Factor TV-ն Երևանում հարցում է արել պարզելու՝ ինչպես են քաղաքացիները վերաբերվում երկրի առաջին դեմքի կողմից նման բառամթերքի օգտագործմանը։
Հիշեցնենք, որ կառավարության երեկվա նիստում էլ Նիկոլ Փաշինյանն անդրադարձել էր եկեղեցիների նկատմամբ վերաբերմունքին՝ հայտարարելով, թե եկեղեցիները «չուլանացված» են։
«Մարդ եկեղեցի մտնում է, որ ունենա հոգևոր հաղորդակցություն, բայց մտնում, տեսնում ես՝ մեկի հին կոշիկներն են, շորերն են, մեկը իրա հին կռավաթն է բերել, դրել, ինչքա՞ն կարելի է այսքան կեղծ լինել, ինչքա՞ն կարելի է այդքան խոսել սրբության մասին ու այդքան «արտասուրբ» լինել, ինչքա՞ն կարելի է ոտքի տակ տալ սրբությունները»,- ասել էր Փաշինյանը։
Մանրամասները՝ տեսանյութում։
Անի Թամրազյան
