11.12.2025 | 20:30
«Հարսնաքար»-ը, Գասպարյանի առանձնատունը, Միքայելյանի տնակը․ Սևանի ափի որ գույքերը կքանդի պետությունը
Շվեյցարիայի հարավում սառցաբեկորից գյուղի ավերումից հետո ջրհեղեղի վտանգ կա․ ՏԵՍԱՆՅՈՒԹ
Քաղաքականություն
30.05.2025 | 19:54
Շվեյցարիայի հարավում սառցադաշտային բեկորների զանգվածի տակ կուտակված ջուրը, որը թաղել է մի գյուղ և փակել գետը երկրի հարավում, նախազգուշացումներ է առաջացրել, որ Ալպյան հովտում ջրհեղեղի վտանգի պատճառով կարող են ավելի շատ տարհանումներ անհրաժեշտ լինել, գրում է Reuters-ը։
Լեռան վրայով միլիոնավոր խորանարդ մետր սառույցի, ցեխի և ժայռի հեղեղ է հոսել՝ ծածկելով Բլատեն գյուղը, իսկ մնացած մի քանի տները հետագայում հեղեղվել են։
Մայիսի սկզբին 300 բնակիչ է տարհանվել, երբ Բիրչ սառցադաշտի հետևում գտնվող լեռան մի մասը սկսել է փլուզվել։
Ջրհեղեղի վտանգը սրվել էր, երբ գրեթե 2 կմ լայնությամբ բեկորները փակել են Լոնզա գետը՝ լիճ առաջացնելով, ինչը մտավախություններ է առաջացրել, որ այն կարող է տեղաշարժվել և ավելի շատ տարհանումներ պահանջել։ Հինգշաբթի ուշ երեկոյան տեղական իշխանությունները կոչ են արել Լոնզա հովտից մի քանի կիլոմետր վերև գտնվող Գամպելի և Ստեգի բնակիչներին պատրաստվել արտակարգ իրավիճակի դեպքում հնարավոր տարհանումներին։
Բանակը պատրաստ է ջրային պոմպերով, փորող մեքենաներով և այլ ծանր տեխնիկայով օգնություն ցուցաբերել, երբ պայմանները թույլ տան։
Փրկարարական խմբերը փնտրում են 64-ամյա տղամարդու, որն անհետ կորել է սողանքից հետո։
Բնակիչները դժվարաությամբ են հաղթահարում ջրհեղեղի պատճառած ավերածությունների մասշտաբները, որոնք, գիտնականների կարծիքով, Ալպերում կլիմայի փոփոխության ազդեցության դրամատիկ օրինակ են։
Թարգմանությունը՝ Էմմա Չոբանյանի
