24.06.2026 | 21:29
Կալիֆոռնիայի հյուսիսում 5.6 մագնիտուդով երկրաշարժ է գրանցվել
Քաղաքապետարանի հանրային քննարկման 11 մասնակցից 10-ը կառույցի աշխատակիցներ էին. ԹԻՀԿ ծրագրերի մասնագետ․ ՏԵՍԱՆՅՈՒԹ
Հասարակություն
30.05.2025 | 11:23
Երբ հանրության լայն շրջանակներ հնարավորություն ունեն մասնակցել որոշումների կայացմանը, այդ որոշումները ոչ միայն ստանում են ավելի բարձր լեգիտիմություն, այլև դառնում են ավելի հիմնավորված, որակյալ, թիրախային և հանրային կարիքին արձագանքող։ Այս մասին «Երևանի քաղաքապետարանի գործունեության թափանցիկությունն ու մասնակցայնությունը» թեմայով քննարկման ժամանակ ասաց ԹԻՀԿ ծրագրերի մասնագետ Մերի Մինասյանը։
«Հանրային լսումները պարտադիր են համայնքային նշանակության որոշումների ըդնունման համար և Երևանի քաղաքապետարանի դեպքում դրանք հիմնականում իրականացվում են շրջակա միջավայրի վրա ազդեցության գնահատման գործընթացի շրջանակներում և մյուս որոշումների ընդունման դեպքում շատ ավելի քիչ են կիրառվում։ 2024 թվականի ընթացքում հանդիպել ենք մի շարք դեպքերի, երբ հանրային լսումները բովանդակային չեն եղել, մասնավորապես Երևանի գլխավոր հատակագծի հանրային լսումները։ Այդ հանրային քննարկմանը, որ տեղի էր ունեցել Կենտրոն վարչական շրջանում, մասնակցել էր 11 անձ, որոնցից 10-ը քաղաքապետարանի կամ թաղապետարանի աշխատակիցներ էին։ Նրանք որևէ հարց չէին բարձրացրել, որևէ դիտարկում չէին ներկայացրել նախագծի վերաբերյալ, որն անհանգստացնող պատկեր է հանրային մասնակցության համար»,- ընդգծեց ԹԻՀԿ ծրագրերի մասնագետը։
Քննարկմանը ներկա Երևանի փոխքաղաքապետ Սուրեն Գրիգորյանն ասաց, որ հանրային լսումների ոչ շատ բովանդակային լինելը չի վիճարկի, բայց ասաց՝ դա կամքի բացակայությունից է գալիս։
Մանրամասները՝ տեսանյութում։
