24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Սերժ Սարգսյանի կողմից ենթադրյալ 3 մլն ԱՄՆ դոլար կաշառք ստանալու մասին գործը դատարանում է. մեղադրանք է առաջադրվել նաև Միքայել Մինասյանին և Սամվել Մայրապետյանին
Հասարակություն
29.05.2025 | 19:51
Դատախազն այսօր իրավասու դատարան է հանձնել ՀՀ երրորդ նախագահ Սերժ Սարգսյանի կողմից առանձնապես խոշոր չափերով՝ շուրջ 3 միլիոն ԱՄՆ դոլար առերևույթ կաշառք ստանալու վերաբերյալ մեղադրական եզրակացությամբ հաստատված քրեական վարույթի նյութերը: Այս մասին Factor TV-ի հետ զրույցում տեղեկացրին Գլխավոր դատախազությունից.
«Քրեական վարույթի շրջանակում մեղադրանք է ներկայացվել նաև Սուրբ Աթոռում ՀՀ արտակարգ և լիազոր նախկին դեսպան Միքայել Մինասյանին և գործարար Սամվել Մայրապետյանին:
Համաձայն 2003 թվականի ապրիլի 18-ին ընդունված ՀՀ քրեական օրենսգրքի 311-րդ հոդվածի 4-րդ մասի 2-րդ կետով Սերժ Սարգսյանին ներկայացված մեղադրանքի՝ վերջինս միջնորդավորված կերպով կաշառք է ստացել գործարար Սիլվա Համբարձումյանից՝ նրան պատկանած ընկերության օտարման գործարքին չխոչընդոտելու համար: Կաշառքը ստացել է մաս-մաս՝ 2 միլիոն 660 հազար դոլարը՝ կանխիկ, 325 հազարը՝ անկանխիկ եղանակով»։
Հիշեցնենք՝ դիզվառելիքի գործով Սարգսյանն արդարացվել էր 2024 թվականի մայիսի 31-ին։
Ռոզա Վարդանյան
