14.10.2026 | 12:39
SpaceX-ն առանց նախազգուշացման սահմանափակել է Starlink տերմինալների աշխատանքն Ուկրաինայի ԶՈւ-ի համար
Հոգեկան առողջության կենտրոնների պայմանները տասը տարի առաջ և հիմա նույնն են․ ՀԿ անդամ
Հասարակություն
10.10.2018 | 15:18
Ամեն տարի հոկտեմբերի 10-ն ամբողջ աշխարհում նշվում է Հոգեկան առողջության համաշխարհային օրը: Այդ թեմայով կազմակերպված քննարկման ժամանակ ՄԻՊ աշխատակազմի Խոշտանգումների և վատ վերաբերմունքի կանխարգելման վարչության գլխավոր մասնագետ, բժիշկ Լաուրա Գասպարյանը նշեց, որ իրենք մշտապես ակտիվ աշխատանք են տանում հասարակության հետ՝ բարձրացնելու համար հոգեկան առողջությանը վերաբերող հարցերում իրազեկվածության մակարդակը։
Լաուրա Գասպարյանը նաև հավելեց, որ ՄԻՊ աշխատակազմից շրջայցեր են կատարել այն վայրեր, որրտեղ պահվում են հոգեկան առողջության խնդիրներ ունեցող քաղաքացիները և կան հաստատություններ, որտեղ ՄԻՊ-ը կարող է արձանագրել, որ պայմանների առումով արձանագրվել են բարեփոխումներ, որոնց մասին նված է ՄԻՊ զեկույցում։
Խոսելով հոգեկան առողջության ոլորտում օրենսդրական բացերի մասին՝ քննարկմանը մասնակից «Իրավունքների պաշտպանություն առանց սահմանների» ՀԿ, փաստաբան Հասմիկ Հարությունյանն էլ փաստեց, որ պրակտիկայում հիմնական խնդիրը արդար դատավարության ընթացքի հետ է կապված:
Քննարկման մյուս բանախոսներից «Հելսինկյան քաղաքացիական ասամբլեայի» Վանաձորի գրասենյակից Մարիետա Թեմուրյանը, անդրադառնալով հոգեկան առողջության կենտրոնների պայմաններին նախկինում և հիմա, ասաց, որ այն ինչ կար տասը տարի առաջ, նույնը հիմա է պահպանվել՝ բռնությունները, թե՛ ֆիզիկական, թե՛ ծեծի ու տարբեր սպառնալիքների ձևով և իրենք մոնիթորինգի ժամանակ են ականատես եղել ֆիզիկական բռնության դեպքերի:
