10.07.2026 | 18:15
Ջրհեղեղներն Ադրբեջանի մի շարք շրջաններում լուրջ վնասներ են պատճառել․ զոհ կա․ ՏԵՍԱՆՅՈՒԹ
Մեկ-մեկ բյուջե 1000 դրամ վերականգնելու համար 1 մլն-ի տնտեսությանը վնաս ենք տալիս․ Թունյան․ ՏԵՍԱՆՅՈՒԹ
Տնտեսություն
29.05.2025 | 11:03
Ազգային ժողովը քննարկում է Մրցակցության պաշտպանության հանձնաժողովի 2024 թվականի տարեկան զեկույցը։ Հարցի քննարկումից հետո ելույթ ունեցավ Տնտեսական հարցերի մշտական հանձնաժողովի նախագահ Բաբկեն Թունյանը։
Նա շեշտեց, որ հեղափոխությունից հետո հասարակության գլխավոր ակնկալիքներից մեկը հենց մրցակցային իրավիճակի բարելավումն էր, որպեսզի չունենանք արհեստական մենաշնորհներ։ Նիկոլ Փաշինյանի թիմակցի կարծիքով՝ հեղափոխության արդյունքում այդ խնդիրների մեծ մասը լուծվել է, որոշ մասն էլ դեռ պահպանվում է։
«Մենք ունենք շատ լավ մրցակցային պայմաններ, քան մի քանի տարի առաջ։ Սակայն, մյուս կողմից շուկան շարունակվում է կենտրոնացված մնալ։ Կարևոր է հասկանալ շուկայի ինդեքսները։ Մեզ ասվում է, որ որևէ շուկայում կա երկու խաղացող, հիմա խաղացողների թիվը դարձել է չորս։ Դրանից, սակայն, ավտոմատ չի բխում, որ այդ շուկայում մրցակցային իրավիճակը լավացել է։ Կարող է չորս խաղացող են դարձել, բայց մեկի կշիռն այնքան է ավելացել, որ մենք ունենք շուկայի ավելի մեծ կենտրոնացվածություն։ Նշեմ, որ մեկ-մեկ բյուջե 1000 դրամ վերականգնելու համար 1 մլն-ի տնտեսությանը վնաս ենք տալիս»,- նշեց պատգամավորը՝ ընդգծելով, որ այս հարցերը կարգավորելու համար օրենսդրական նախաձեռնությամբ պետք է հանդես գան։
Մանրամասները՝ տեսանյութում։
