«Դուռը բացին ու դուբինկով դեմքիս տվին». բացառիկ մանրամասներ՝ Նուբարաշեն ՔԿՀ-ում տեղի ունեցած ծեծից. ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Ցմահ դատապարտյալ Արթուր Գալստյանը Factor TV-ին բացառիկ մանրամասներ է ներկայացրել ապրիլի 4-ին «Նուբարաշեն» ՔԿՀ-ում տեղի ունեցած բռնության դեպքից։ Արդեն 22 տարի անազատության մեջ գտնվող Արթուրի գնահատմամբ՝ տեղի ունեցածը «սպանդ» էր։

Շուրջ երկու ամիս առաջ տեղի ունեցած դեպքի մասին դատապարտյալներն ահազանգել էին իրավապաշտպան Ժաննա Ալեքսանյանին՝ հայտնելով, թե դիմակավորված անձինք իրենց ֆիզիկական բռնության են ենթարկել։ Factor TV-ի՝ «Նուբարաշեն» ՔԿՀ այցելած նկարահանող խմբին Արթուր Գալստյանը վստահեցնում էր, որ ուղիղ տասը րոպե անդադար իրեն ֆիզիկական բռնության են ենթարկել։

Ապրիլի 4-ին տեղի ունեցած միջադեպից հետո Քրեակատարողական ծառայությունը պարզաբանել էր, թե դատապարտյալներից մեկը ցանկացել է առավելություն ունենալ մյուսների նկատմամբ՝ խաթարելով «Նուբարաշեն» ՔԿՀ-ի բնականոն աշխատանքը։

«Քրեակատարողական ծառայությունը, քննելով վերոգրյալ տեղեկությունները, քրեական ենթամշակույթի և այլ անօրինականության դեմ պայքարի շրջանակներում որոշում է կայացրել անօրինականություններ ու պառակտում հրահրող դատապարտյալին տեղափոխել այլ քրեակատարողական հիմնարկ։ Հաջակցություն վերջինիս՝ որոշ կալանավորված անձինք և ցմահ դատապարտյալներ դրսևորել են անհնազանդություն, վնասել են խցերի գույքը, այրել ներքնակները, հարվածել դռներին և այլն։

«Նուբարաշեն» քրեակատարողական հիմնարկի ծառայողներն օրենքով սահմանված կարգով բազմիցս պահանջել են դադարեցնել անհնազանդությունը, սակայն պահանջները չեն կատարվել։

Հետևաբար, Ծառայության հատուկ նշանակության բաժնի ծառայողները «Նուբարաշեն» քրեակատարողական հիմնարկի ծառայողների հետ համատեղ ձեռնարկել են հատուկ միջոցառումներ ազատազրկված անձանց կողմից ներքին կանոնակարգի խախտումները վերացնելու ուղղությամբ։ Ֆիզիկական ուժի գործադրմամբ վերջիններս դուրս են բերվել խցերից, իսկ խցերում իրականացվել են խուզարկություններ»,- ասվում է տարածված հաղորդագրությունում։

Դատապարտյալը պնդում է՝ իրենց շրջանում քրեական ենթամշակույթ տարածված չէ։  Նա Factor TV-ին փոխանցեց, որ իր խցում երեք հոգով են եղել, երբ հասկացել են, որ հարևան խցերում դատապարտյալներին ծեծում են, հսկիչներին են ձայն տվել՝ հասկանալու համար, թե ինչ է կատարվում։ Նա համոզված է, որ իրեն ու խցակիցներին ծեծի ենթարկելու պատճառն իրավիճակին ծանոթանալու փորձերն են եղել։

ՔԿՀ-ներում դիտորդական առաքելություն իրականացնող խմբի հրապարակած հրատապ հաշվետվության մեջ նշվում է, որ հատուկջոկատայինների կողմից դատապարտյալների ծեծն այնքան դաժան է եղել, որ անգամ վարչակազմի աշխատակիցներից մեկն է փորձել օգնել՝ կանխելով և փակելով ազատազրկվածին իր մարմնով։ Դիտորդական մարմինը նաև տակնուվրա արված խցերից այսպիսի լուսանկարներ էր հրապարակել։

Չնայած դատապարտյալների ու իրավապաշտպանների ահազանգերին և դիտորդ մարմնի արձանագրումներին՝ արդարադատության նախարար Սրբուհի Գալյանն ընդգծված զարմանքով էր հերքում բռնությունների փաստը։

Միջադեպից հետո Գալյանը և ՔԿԾ պետ Ծովինար Վարդանյանն այցելել են «Նուբարաշեն» ՔԿՀ, հանդիպել ցմահ դատապարտվածներին։

Արթուր Գալստյանը Factor TV-ին հայտնեց, որ Գլխավոր դատախազությանը հանցագործության մասին հաղորդում է ներկայացրել իրենց ֆիզիկական բռնության ենթարկելու դեպքով։ Քննչական կոմիտեից Factor TV-ին փոխանցեցին, որ այդ դրվագով հանցագործության մասին հաղորդում չեն ստացել։ Ցմահ դատապարտյալ Արթուր Գալստյանը հույս չունի, որ կհասնի արդարության հաստատման։

Մանրամասները՝ տեսանյութում։

Նարեկ Կիրակոսյան