28.02.2026 | 19:35
Համացանցում Բուրջ Խալիֆայի մերձակայքում պայթյունների կադրեր են հրապարակվում
Մայրը մանկահասակ երեխային առավոտյան մահացած է հայտնաբերել
Հասարակություն
27.05.2025 | 17:00
Գեղարքունիքի մարզում երեկ արտակարգ դեպք է տեղի ունեցել․ ժամը 07։53-ին «Սևան» ԲԿ-ից ոստիկանություն հաղորդում է ստացվել, որ արդեն մահացած վիճակում ծնողների կողմից իրենց մոտ է տեղափոխվել 09․05․2025-ին ծնված տղա երեխա։ Այս մասին Factor.am-ին հայտնեցին ՆԳՆ-ից։
«Համայնքային ոստիկանության Սևանի բաժնից մեկնած խումբը և պարեկային ծառայողները պարզել են, որ ժամը 03։00-ի սահմաններում մայրը երեխային կերակրել է մայրական կաթով և քնացրել, ժամը 07։00-ին արթնացել է և երեխային տեսել մահացած։ Արտաքին զննությամբ դիակի վրա բռնության հետքեր չեն հայտնաբերվել։ Կազմված փաստաթղթերն ուղարկվել են քննչական բաժին»,- ասացին ՆԳՆ-ից։
Քննչական կոմիտեից Factor.am-ին հայտնեցին, որ դեպքի առթիվ նախաձեռնվել է քրեական վարույթ՝ սպանության հատկանիշներով: Նշանակվել է դիակի դատաբժշկական փորձաքննություն:
Արփի Հակոբյան
