Խաղաղությունը, անվտանգությունն ու ինքնիշխանություն պահպանող վահանն արդարադատությունն է. Աննա Վարդապետյան

Լուրեր

19.11.2026 | 11:14
Ամփոփիչ մրցաշար. Ալկարասը և Տիաֆոն հաղթել են. ՏԵՍԱՆՅՈՒԹ
19.11.2026 | 11:11
Անհետ կորածների վերաբերյալ մեզ հետաքրքրող բազմաթիվ հարցերի պատասխաններն Ադրբեջանում են․ Փաշինյան
19.11.2026 | 11:05
Սի Ցզինպինի հետ հանդիպմանը Թրամփը բարձր է գնահատել իրենց անձնական հարաբերությունները
19.11.2026 | 11:00
Կառավարության նիստը՝ ՈՒՂԻՂ
19.11.2026 | 11:00
Արմավիր համայնքի ղեկավարը ևս դատի է տվել Իրինա Յոլյանին․ պահանջում է ԱԺ ամբիոնից հերքում և 3 մլն դրամ
19.11.2026 | 10:51
Ուկրաինան կրկին հարվածել է Ղրիմի կամրջին․ երթևեկությունը դադարեցված է
19.11.2026 | 10:43
Total Chess. Հայկ Մարտիրոսյանն ու Լևոն Արոնյանը հաղթանակներ են տարել
19.11.2026 | 10:33
Թրամփն ու Պուտինը բանակցություններ են անցկացրել․ հայտնի է՝ ինչ հարցեր են քննարկել
19.11.2026 | 10:25
Մեկնարկել է կենսաթոշակառուների՝ անկանխիկ գործարքների դիմաց հոկտեմբեր ամսվա հետվճարների տրամադրումը
19.11.2026 | 10:10
Արտարժույթների փոխարժեքները՝ նոյեմբերի 19-ի դրությամբ
19.11.2026 | 10:07
Հրանտ-Լեոն Ռանոսը դուբլի հեղինակ է դարձել Իսպանիայի գավաթի խաղում. ՏԵՍԱՆՅՈՒԹ
19.11.2026 | 10:00
ԱԺ-ն քննարկում է 2027 թվականի բյուջեի նախագիծը. ՈՒՂԻՂ
19.11.2026 | 09:45
ՀՀ տարածքում ավտոճանապարհները հիմնականում անցանելի են
19.11.2026 | 09:34
Ալեն Սիմոնյանի ճեպազրույցը. ՈՒՂԻՂ
19.11.2026 | 09:03
Անհետ կորած անձանց ճակատագիրը․ մարդասիրական երկխոսություն և համագործակցություն. ՈՒՂԻՂ
Բոլորը

Հայաստանի Հանրապետության գլխավոր դատախազ Աննա Վարդապետյանի մասնակցությամբ, «Երևանյան երկխոսություն» երկրորդ միջազգային ֆորումի շրջանակներում, այսօր տեղի է ունեցել «Արդարության պահպանումը. oրենքի գերակայության համաշխարհային հրամայականը» խորագրով պանելային քննարկում․ տեղեկացնում են ՀՀ գլխավոր դատախազությունից։

Պանելային քննարկմանը մասնակցել են Միջազգային քրեական դատարանի ռեգիստրար Օսվալդո Զավալա Գիլերը, Եվրաջասթի գործընկերների հետ հարաբերությունների խորհրդի նախագահ Բոշտյան Շկրլեցը և Միջազգային քաղաքականության կենտրոնի նախագահ և գործադիր տնօրեն Նենսի Օքայլը:

Աննա Վարդապետյանը, պատասխանելով պանելային քննարկումը համակարգողի՝ միջազգային իրավունքի և մարդու իրավունքների փորձագետ Շեյլա Փայլանի՝ Հռոմի ստատուտի վավերացման կարևորության մասին հարցին, մասնավորապես, նշել է.

«Հռոմի ստատուտի վավերացումն իրավական ուղենիշ է, որը Հայաստանի հավատարմության հստակ արտահայտումն է հաշվետվողականության, արդարության և օրենքի գերակայության սկզբունքներին, ինչպես ներքին, այնպես էլ համաշխարհային մակարդակում:

Միջազգային արդարադատությունը կենսական դերակատարում ունի արդար և անվտանգ ապագայի ձևավորման գործում:
Հայաստանի համար այս ներգրավվածությունն ամրապնդում է ինստիտուցիոնալ կարողություններն ու արմատավորում այն ուղերձը, որ անպատժելիություն չի կարող լինել որևէ մեկի համար որևէ վայրում:

Ժամանակակից պետության ինքնիշխանությունը պաշտպանված է ոչ միայն նրա սահմաններով ու բանակով, այլ նաև իրավական մեխանիզմների և ինստիտուտների ուժով ու հաստատակամությամբ: Իրավական գործիքները ձևավորում են իրավական ռազմավարություն, ստեղծում անվտանգության ճարտարապետություն՝ սպառնալիքներից պաշտպանվելու և դրանց արձագանքելու համար:

Հայաստանը ոչ միայն մասնակից է միջազգային արդարադատությանը, այլև ակտիվորեն ձևավորում և պահպանում է իր մոտեցումներն ու սկզբունքները, որոնք ներառվում են դատախազական գործունեության մեջ, իրավական բարեփոխումներում և ինստիտուցիոնալ մշակույթում:

Միջազգային արդարադատության հետ Դատախազության համագործակցությունն ապացույցն է այն բանի, որ Հայաստանն այն երկրների շարքում է, որոնք կարծում են, որ խաղաղությունը, անվտանգությունն ու ինքնիշխանություն պահպանող վահանն արդարադատությունն է:

Դատախազությունն ու դատախազները կանգնած են արդարության համար պայքարի առաջնագծում և իրենց պարտականությունները կատարելիս առերեսվում են մարտահրավերների: Հայաստանի դատախազությունը հանձնառություն ունի ապահովելու հանրային վստահությունը օրենքի, արդարության և, ամենակարևորը՝ արդարության ապահովման նկատմամբ:

Արդարությունը վերացական ձգտում չէ: Այն ենթադրում է կարգապահություն, նպատակասլացություն և ստանձնած պարտականությունների պատշաճ կատարում»: