01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
ԵՄ դիվանագիտության ղեկավարը կոչ է արել ուժեղացնել ճնշումը Ռուսաստանի վրա
Քաղաքականություն
25.05.2025 | 20:06
Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը, արձագանքելով Ռուսաստանից Ուկրաինայի դեմ իրականացված զանգվածային հարվածներին կիրակի գիշերը՝ մայիսի 25-ին, կոչ է արել գործադրել Ռուսաստանի վրա «ամենաուժեղ միջազգային ճնշումը՝ պատերազմն ավարտելու համար»։
«Անցած գիշերվա հարձակումները ցույց են տալիս, որ Ռուսաստանը ձգտում է նոր տառապանքների և Ուկրաինայի ոչնչացման։ Շոկային է, երբ տեսնում ես երեխաների՝ անմեղ զոհերի, վիրավորների և սպանվածների շարքում։ Այսօր իմ մտքերն այդ ընտանիքների հետ են», – գրել է ԵՄ դիվանագիտության ղեկավարը սոցիալական ցանց X-ում։
Ավելի վաղ Ուկրաինայի նախագահ Վլադիմիր Զելենսկին, մեկնաբանելով մի շարք շրջանների վրա Ռուսաստանի հարձակումը, կոչ էր արել ԱՄՆ-ին, ԵՄ-ին և այլ դաշնակիցներին նոր պատժամիջոցներ կիրառել Մոսկվայի դեմ։
«Ռուսաստանի յուրաքանչյուր ահաբեկչական հարված բավարար հիմք է նոր պատժամիջոցների համար։ Ռուսաստանը ձգձգում է այս պատերազմը և ամեն օր շարունակում է սպանել»,-գրել է Զելենսկին Telegram-ում։
Ուկրաինայի նախագահի տվյալներով՝ ՌԴ Զինված ուժերը Ուկրաինայի թիրախների վրա արձակել են մոտ 300 հարվածային անօդաչու սարք և շուրջ 70 տարբեր տեսակի հրթիռ, այդ թվում՝ բալիստիկ։
