18.02.2026 | 22:52
14 ժամ ջուր չի լինի Շենգավիթ վարչական շրջանի մի շարք հասցեներում
Շվեդիայում ՌԴ դեսպանատան վրա ԱԹՍ-ի միջոցով ներկով լի տարա են նետել
Քաղաքականություն
25.05.2025 | 16:02
Անօդաչու թռչող սարքը ներկով տարա է նետել Ռուսաստանի դեսպանատան վրա Շվեդիայում։ Այս մասին հաղորդվել է հենց ռուսական դեսպանատան Telegram-ալիքում՝ կիրակի, մայիսի 25-ին։
Նշվում է՝ միջադեպը, որը դեսպանատունը բնութագրում է որպես «հերթական հարձակում՝ դրոնի կիրառմամբ», տեղի է ունեցել գիշերը՝ ժամը 03:40-ին։ «Անցնելով դեսպանատան տարածքով՝ անօդաչուն ներկով տարողություն է նետել հիմնական մուտքի դիմացի տարածքի վրա։ Միջադեպին առանձնահատուկ ցինիզմ է հաղորդում այն փաստը, որ դրոնի օպերատորները կիրառել են ապակյա տարա, որը բարձրությունից նետվելու դեպքում կարող է ծանր վնասվածքներ պատճառել մարդկանց»,-ասվում է հրապարակման մեջ։
Ռուսական կողմի տվյալներով, նման «հարձակումներ» ՌԴ դեսպանատան վրա Սկանդինավյան թագավորությունում առաջին անգամ չեն գրանցվում։
«Դեսպանատունը բազմիցս դիմել է Շվեդիայի ոստիկանությանը և Շվեդիայի ԱԳՆ-ին՝ հորդորելով կանխել նմանատիպ հարձակումները և լիարժեքորեն կատարել Շվեդիայի պետության պարտավորությունները 1961 թվականի Վիեննայի դիվանագիտական հարաբերությունների մասին կոնվենցիայով՝ ապահովելու օտարերկրյա դիվանագիտական առաքելությունների անվտանգությունն ու անձեռնմխելիությունը»,-նշվում է հաղորդագրության մեջ։
Միաժամանակ նշվում է, որ նման դիմումները արդյունք չեն տվել։ ՌԴ դեսպանատունը հայտարարում է, որ միջադեպի հետևանքների պատասխանատվությունը կրելու է Շվեդիայի իշխանությունը։
