21.02.2026 | 18:08
Հունգարիան արգելափակել է Ուկրաինային ԵՄ-ի կողմից 90 մլրդ եվրո վարկի հատկացումը
Երևանի քաղաքապետարանը կբողոքարկի «կարմիր գծերի» թանկացմանը վերաբերող դրույթները անվավեր ճանաչելու դատարանի որոշումը․ Հայկ Կոստանյան
Հասարակություն
24.05.2025 | 15:21
Երևանի քաղաքապետարանի կբողոքարկի Վարչական դատարանի մայիսի 23-ի կայացրած որոշումը։ Այս մասին հայտնում է քաղաքապետարանի մամուլի խոսնակ Հայկ Կոստանյանը։
«2025թ. մայիսի 23-ին, Վարչական դատարանը որոշում է կայացրել անվավեր ճանաչել Երևան քաղաքի «կարմիր գծերի» համար սահմանված տեղական վճարին վերաբերող ավագանու որոշման մի շարք դրույթներ։ Տեղեկացնում եմ, որ Երևանի քաղաքապետարանի կողմից նշված որոշումը կբողոքարկվի»,- գրել է Կոստանյանը։
Հիշեցնենք՝ «Հետք»-ը գրել էր, որ երեկ Վարչական դատարանն անվավեր է ճանաչել Երևան քաղաքի «կարմիր գծերի» համար սահմանված տեղական վճարին վերաբերող ավագանու որոշման դրույթները: Դատարանն արձանագրել է՝ քաղաքապետարանը որևէ ձևով չի ապացուցել, որ վճարը շեշտակի թանկացրել է ծառայությունների որակը բարելավելու նպատակով, իսկ փողոցները բեռնաթափելու պատճառաբանութունն իրավաչափ չի համարել։
