08.09.2026 | 14:29
Մալաթիա-Սեբաստիայի թաղապետի ճեպազրույցը. ՈւՂԻՂ
Բաքվում շինծու գործերով նիստում Ռուբեն Վարդանյանը կրկին դատավորների կազմի դեմ առարկություն է ներկայացրել
Քաղաքականություն
20.05.2025 | 21:09
Բաքվի զինվորական դատարանում այսօր կայացել է Արցախի նախկին պետնախարար Ռուբեն Վարդանյանի նկատմամբ հարուցված շինծու գործերով հերթական դատական նիստը՝ դատավոր Զեյնալ Աղաևի նախագահությամբ։ Ադրբեջանական լրատվամիջոցների հաղորդմամբ՝ Ռուբեն Վարդանյանը կրկին առարկություն է հայտնել դատավորների կազմի դեմ։ Նրա փաստաբան Ավրաամ Բերմանը պաշտպանել է բողոքը։
Դատարանը հեռացել է խորհրդակցական սենյակ՝ որոշում կայացնելու։ Ավելի ուշ հայտարարվել է, որ առարկությունը թողնվել է առանց քննության։
Նախորդ նիստին նույնպես Վարդանյանը նման միջնորդություն էր ներկայացրել, որը դատարանը չէր բավարարել։
Այսօրվա նիստում դատարանը լսել էմ այսպես կոչված, «տուժողների» իրավահաջորդների և «տուժողների» ցուցմունքները։
Մասնավորապես, «տուժող» Ումիդ Հասանովի իրավահաջորդ Մյախֆուրա Հասանովան հայտարարել է, թե իր որդին մահացել է Քարվաճառում «հայկական զինված ուժերի մնացորդների և անօրինական հայկական զինված կազմավորումների կողմից իրականացված լայնածավալ դիվերսիայի հետևանքով»։
Հաջորդ դատական նիստը նշանակվել է մայիսի 27-ին։
Թարգմանությունը՝ Էմմա Չոբանյանի
