24.06.2026 | 22:24
Հայաստանի դիվանագիտական ծառայության ներկայացուցիչների մոտ կեսը կանայք են. ԱԳՆ
Պուտինը բարձր է գնահատել Թրամփի հետ զրույցը
19.05.2025 | 21:21
Պուտինը Թրամփի հետ զրույցն անվանել է անկեղծ և բովանդակալից։ Ավելի քան երկու ժամ տևած զրույցի ավարտից հետո ՌԴ նախագահը դուրս է եկել լրագրողների մոտ: Նա շնորհակալություն է հայտնել ամերիկացի գործընկերոջը Ռուսաստանի և Ուկրաինայի միջև ուղիղ բանակցությունների վերսկսմանն աջակցելու համար և ասել, որ Դոնալդ Թրամփը զրույցի ընթացքում կիսվել է հրադադարի վերաբերյալ իր դիրքորոշմամբ: Ընդ որում, Վլադիմիր Պուտինը նշել է, որ Ուկրաինայի դեմ պատերազմում զինադադարը հնարավոր է «համապատասխան պայմանավորվածությունների ձեռքբերման դեպքում»: Մոսկվան և Կիևը, ըստ նրա, պետք է փոխզիջումներ գտնեն, որոնք կբավարարեն երկու կողմերին։ Նրա խոսքերը մեջբերում է ՏԱՍՍ գործակալությունը։
Վլադիմիր Պուտինը հավելել է, որ կայացած զրույցի մանրամասները ավելի ուշ կպարզաբանեն կամ իր մամուլի քարտուղար Դմիտրի Պեսկովը, կամ օգնական Յուրի Ուշակովը: Ամերիկյան կողմը դեռևս չի մեկնաբանել զրույցը:
Սա Պուտինի և Թրամփի երրորդ խոսակցությունն էր, որի մասին պաշտոնապես հայտարարվել էր: Առաջինը տեղի է ունեցել փետրվարի 12-ին՝ ԱՄՆ նախագահի երդմնակալությունից անմիջապես հետո։ Այն ժամանակ Թրամփը բարձրաստիճան պաշտոնյաներին և Կիևին հանձնարարել էր երկխոսություն սկսել Ուկրաինայում պատերազմը դադարեցնելու հնարավորության մասին։ Պաշտոնապես հայտարարված երկրորդ զրույցը տեղի է ունեցել մարտի 18-ին։
Մարտին Կրեմլում նշել էին, որ Թրամփի և Պուտինի միջև հեռախոսային շփումները, հնարավոր է, ավելի շատ են եղել, քան պաշտոնապես հայտարարվածները:
