16.11.2024 | 15:19
Не виноватая я, он сам пришел. մահացել է «Ադամանդե ձեռքը» հայտնի ֆիլմի դերասանուհի Սվետլանա Սվետլիչնայան
Հայաստանում 2018թ. ՀՆԱ-ի 6% աճ է կանխատեսվում. ԱՄՀ
Տնտեսություն
09.10.2018 | 16:32
2018 թվականին Հայաստանում ՀՆԱ-ի աճը կկազմի 6%, 2019-ին՝ 4.8%: Այս մասն նշվում է Արժույթի միջազգային հիմնադրամի (ԱՄՀ) World Economic Outlook հոկտեմբերյան զեկույցում: Այն կազմվել է ԱՄՀ անդամ պետությունների տնտեսություններում, միջազգային ֆինանսական շուկաներում և համաշխարհային տնտեսական համակարգում տեղի ունեցող զարգացումների հիման վրա:
Նշենք, որ Հիմնադրամը վերանայել է ապրիլյան կանխատեսումը. եթե ապրիլի զեկույցում այս տարվա համար ՀՆԱ իրական աճը կանխատեսվում էր 3.4%, ապա վերանայումից հետո այս տարի 6% իրական տնտեսական աճ է կանխատեսվում:
Զեկույցի համաձայն՝ գնաճն էլ այս տարվա արդյունքներով Հայաստանում կկազմի 3%, իսկ 2019 թվականի համար 4.4% գնաճ է կանխատեսվում:
Փաստաթղթում նշվում է, որ 2018-2019 թթ. համաշխարհային տնտեսական աճը կկազմի 3.7%. սա 0.2%-ով պակաս է ապրիլյան կանխատեսումից: ԱՄՀ-ի մասնագետների կանխատեսմամբ՝ համաշխարհային տնտեսական աճը մինչև 2022 թվականը կշարունակի նվազել:
