14.06.2026 | 23:03
Ռոբերտ Քոչարյանի ելքը երկրից ապօրինի և առանց որևէ պատճառաբանության արգելվեց․ Բագրատ Միկոյան
Ձեզ ո՞վ ասաց, որ ես քայլերի հաջորդականություն չունեմ. Էդմոն Մարուքյան․ ՏԵՍԱՆՅՈՒԹ
Քաղաքականություն
19.05.2025 | 14:44
«Ձեզ ո՞վ ասաց, որ ես քայլերի հաջորդականություն չունեմ։ Ես անհարկի եմ համարում ընդդիմության ստորագրությունները դեռ այս նախաձեռնության տակ չդրած, քննարկել ՔՊ-ին՝ միանում են, թե՝ չեն միանում»,- այս մասին ԱԺ-ում լրագրողների հետ ճեպազրույցում ասաց ՔՊ-ից հեռացված Հովիկ Աղազանի և Հակոբ Ասլանյանի առաջադրած վարչապետի թեկնածու, ԼՀԿ նախագահ Էդմոն Մարուքյանը։
Հարցին՝ Մարուքյանի համար ընդունելի՞ է, որ իրեն սատարեն Ռոբերտ Քոչարյանի ու Սերժ Սարսգսյանի թիմերը, նա պատասխանեց, որ Նիկոլ Փաշինյանի համար ընդունելի՞ էր ՀՅԴ-ի, ՀՀԿ-ի սատարումով ընտրվել վարչապետ։
Նշենք, որ ՔՊ-ից հեռացված պատգամավորներ Հովիկ Աղազարյանն ու Հակոբ Ասլանյանը Փաշինյանին անվստահություն հայտնելու գործընթաց են նախաձեռնել և Էդմոն Մարուքյանին վարչապետի թեկնածու են առաջադրել։
«Ձեզ ո՞վ ասա«Ձեզ ո՞վ ասաց, որ ես քայլերի հաջորդականություն չունեմ։ Ես անհարկի եմ Նշենք, որ Նիկոլ Փաշինյանին անվստահություն հայտնելու թեման օրակարգ են բերել նաև «Արթուն ենք» նախաձեռնության անդամներ Էդգար Ղազարյանն ու Նարեկ Մալյանը։ «Պատիվ ունեմ»-ից արձագանքել էին, թե իրենք էլ են անվստահություն հայտնելը համարում իշխանափոխության ամենահավանական ճանապարհը։ «Պատիվ ունեմ»-ից ասել էին, որ պատրաստ են առանց նախապայմանների քննարկել թեկնածուի հարցն ու սկսել գործընթացը։ Ավելին՝ Հայկ Մամիջանյանը ԱԺ ճեպազրույցի ժամանակ նշել էր, որ կաջակցեն, եթե «Հայաստան» խմբակցությունը թեկնածու առաջադրի Ռոբերտ Քոչարյանին։
«Հայաստան» խմբակցությունից էլ պատասխանել էին, թե 28 պատգամավորներն էլ պատրաստ են ստորագրել իմփիչմենթի գործընթացը սկսելու համար, եթե նախաձեռնողները ապահովեն պակասող երկու ստորագրությունը, ու բացի այդ հայտարարեն՝ հաջողության հասնելու համար անհրաժեշտ ժողովրդական զանգված ապահովելու պատասխանատվության մասին։
Ավելի վաղ Էդմոն Մարուքյանն ուղիղ եթերում ընդդիմադիր խմբակցությունների ուշադրությունը հրավիրում էր այն հանգամանքին, որ գործընթացը սկսելու համար կան բավարար թվով ստորագրություններ։ Այնուամենայնիվ, եթե անվստահության գործընթացը սկսվի, այն վերջնականացնելու համար ընդդիմադիրներից զատ անհրաժեշտ է նաև 18 կողմ քվե, իսկ իշխող ՔՊ-ն հայտնել է, որ Փաշինյանին անվստահություն հայտնելու հիմքեր չի տեսնում։
Մանրամասները՝ տեսանյութում։
