14.06.2026 | 23:03
Ռոբերտ Քոչարյանի ելքը երկրից ապօրինի և առանց որևէ պատճառաբանության արգելվեց․ Բագրատ Միկոյան
Էդգար Ղազարյանը Փաշինյանի մոտ դեսպան է աշխատել, «տինտիրիդներ» պետք չէ անել․ ՀՀ հատուկ հանձնարարություններով նախկին դեսպան էդմոն Մարուքյան․ ՏԵՍԱՆՅՈՒԹ
Քաղաքականություն
19.05.2025 | 14:29
«Էդգար Ղազարյանն էլ Նիկոլ Փաշինյանի մոտ դեսպան է եղել։ Էդգար Ղազարյանը և Նարեկ Մալյանը, հուսամ, իրենց խոսքը հարգում են։ Իրենք դիմել են պատգամավորներին, ասել՝ նախաձեռնեք, պատգամավորները նախաձեռնել են, դրանից հետո խոսակցությունները շարունակել, նշանակում է՝ «տինտիրիդներ» անել, հո մանկապարտե՞զ չի, լուրջ մարդիկ ենք, բաներ ենք խոսել, «Պատիվ ունեմ»-ի վեց պատգամավորները լուրջ մարդիկ են, չէ՞, ասել են՝ առանց նախապայմանի կտան ձայն։ Ի՞նչ են առաջարկում՝ եթե Սերժ Սարգսյանի թեկնածուն չէ, ուրեմն չեն միանո՞ւմ, ապա թող այդպես էլ ասեն»,- այս մասին ԱԺ-ում լրագրողների հետ ճեպազրույցում հայտարարեց ՔՊ-ից հեռացված Հովիկ Աղազարյանի և Հակոբ Ասլանյանի կողմից որպես վարչապետի թեկնածու առաջադրված Էդմոն Մարուքյանը՝ անդրադառնալով Էդգար Ղազարյանի հայտարարությանը, թե ինքը Նիկոլ Փաշինյանի մոտ հատուկ հանձնարարականներով դեսպան է եղել։
Նշենք, որ Նիկոլ Փաշինյանին անվստահություն հայտնելու թեման օրակարգ են բերել նաև «Արթուն ենք» նախաձեռնության անդամներ Էդգար Ղազարյանն ու Նարեկ Մալյանը։ «Պատիվ ունեմ»-ից արձագանքել էին, թե իրենք էլ են անվստահություն հայտնելը համարում իշխանափոխության ամենահավանական ճանապարհը։ «Պատիվ ունեմ»-ից ասել էին, որ պատրաստ են առանց նախապայմանների քննարկել թեկնածուի հարցն ու սկսել գործընեթացը։ Ավելին՝ Հայկ Մամիջանյանը ԱԺ ճեպազրույցի ժամանակ նշել էր, որ կաջակցեն, եթե «Հայաստան» խմբակցությունը թեկնածու առաջադրի Ռոբերտ Քոչարյանին։
«Հայաստան» խմբակցությունից էլ պատասխանել էին, թե 28 պատգամավորներն էլ պատրաստ են ստորագրել իմփիչմենթի գործընթացը սկսելու համար, եթե նախաձեռնողները ապահովեն պակասող երկու ստորագրությունը, ու բացի այդ հայտարարեն հաջողության հասնելու համար անհրաժեշտ ժողովրդական զանգված ապահովելու պատասխանատվության մասին։
Ավելի վաղ Էդմոն Մարուքյանն ուղիղ եթերում ընդդիմադիր խմբակցությունների ուշադրությունը հրավիրում էր այն հանգամանքին, որ գործընթացը սկսելու համար կան բավարար թվով ստորագրություններ։ Այնուամենայնիվ, եթե անվստահության գործընթացը սկսվի, այն վերջնականացնելու համար ընդդիմադիրներից զատ անհրաժեշտ է նաև 18 կողմ քվե, իսկ իշխող ՔՊ-ն հայտնել է, որ Փաշինյանին անվստահություն հայտնելու հիմքեր չի տեսնում։
Մանրամասները՝ տեսանյութում։
