16.11.2024 | 14:36
ԿԲ նախագահը Silicon Mountains գագաթաժողովում խոսել է ֆինանսական ոլորտում արհեստական բանականության կիրառումից
2006-2017 թթ. 107 պաշտոնյա անվանական զենք է ստացել․ Դիանա Ղազարյան․ ՏԵՍԱՆՅՈՒԹ
Հասարակություն
09.10.2018 | 13:12
2006-2017 թվականներին 107 պաշտոնյա ստացել է անվանական զենք, բայց թե ովքե՞ր են, որ պաշտոնյաներն են, մենք այդպես էլ չկարողացանք իմանալ Կառավարությունից։
Այս մասին այսօր «Անվանական զենքերը նաև կրակում են. ինչպե՞ս խստացնել ոլորտի վերահսկողությունը» թեմայով քննարկման ժամանակ ասաց «Հետք» պարբերականի լրագրող Դիանա Ղազարյանը՝ նշելով, որ Կառավարությունից ստացել են տարբեր պատճառաբանություններ այն հարցի վերաբերյալ, թե ովքե՞ր են ստացել անվանական զենքեր։
«Մենք Կառավարությանն ուղարկեցինք իրենց որոշումներից մեկը, որով 2009 թ․ Տիգրան Սարգսյանը ոստիկանապետ Ալիկ Սարգսյանին պարգևատրել էր զենքով, մեկ այլ որոշում, որով Տիգրան Սարգսյանը պարգևատրել էր այդ ժամանակվա դատախազ Աղվան Հովսեփյանին։ Սակայն, այդպես էլ մեզ համար անհասկանալի մնաց՝ Կառավարության՝ ինֆորմացիա չտրամադրելը»,-ասաց լրագրողը՝ շեշտելով, որ փոխարենը կարողացել են պարզել, որ այդ զենքերի ձեռքբերման համար, ըստ Կառավարության տրամադրած տեղեկության, պետբյուջեից գումար չի հատկացվել։
Մանրամասները՝ տեսանյութում։
