08.09.2026 | 16:32
Նոր սահմանադրության հրապարակված տեքստը պաշտոնական չէ․ 5 օր առաջ ստեղծված կայքը, Իկոնոմովի պնդումը և նախարարության պարզաբանումը
ՌԴ պատվիրակությունը ժամանել է Ստամբուլ՝ Ուկրաինայի հետ բանակցությունների
Քաղաքականություն
15.05.2025 | 10:29
Ռուսական բանակցային պատվիրակությունն արդեն ժամանել է Ստամբուլ՝ Ուկրաինայի ներկայացուցիչների հետ հանդիպելու։ Այս մասին հայտնել է ՏԱՍՍ-ի աղբյուրը։
ՏԱՍՍ-ին աղբյուրը հայտնել է, որ բանակցությունների մեկնարկը նախատեսված է տեղական ժամանակով ժամը 10:00-ին (համընկնում է Մոսկվայի ժամանակի հետ): Դրանք կանցկացվեն մամուլի համար փակ ռեժիմով։
«Մեծ հավանականությամբ՝ բանակցությունները կսկսվեն մոտավորապես ժամը 10:00-ին Դոլմաբահչեում»,- ասել է աղբյուրը։
Հիշեցնենք, որ ՌԴ նախագահ Վլադիմիր Պուտինը չի մեկնել Ստամբուլ բանակցությունների՝ մերժելով Ուկրաինայի նախագահ Վլադիմիր Զելենսկիի առաջարկը, որը պնդում էր Ստամբուլում Պուտինի հետ անձնական հանդիպում անցկացնելու հարցում։
ՌԴ նախագահը նախօրեին հաստատել էր ռուսական պատվիրակության կազմը, որը գլխավորում է նախագահի օգնական Վլադիմիր Մեդինսկին։ Պատվիրակության կազմում են նաև փոխարտգործնախարար Միխայիլ Գալուզինը, բանակի գլխավոր շտաբի գլխավոր վարչության պետ Իգոր Կոստյուկովը և պաշտպանության փոխնախարար Ալեքսանդր Ֆոմինը։
Ի դեպ, Անկարայում այսօր սպասվում են Թուրքիայի նախագահ Ռեջեփ Թայիփ Էրդողանի և Ուկրաինայի նախագահ Վլադիմիր Զելենսկիի բանակցությունները։
Թարգմանությունը՝ Էմմա Չոբանյանի
