Բայրամովը կրկին ՀՀ Սահմանադրությունում «Ադրբեջանի նկատմամբ տարածքային պահանջներից» է խոսել

Ադրբեջանի ԱԳ նախարար Ջեյհուն Բայրամովը Բահրեյնում թագավորություն արտաքին գործերի նախարար Աբդուլլաթիֆ բին Ռաշիդ ալ Զայանիի հետ հանդիպմանը քննարկել է Ադրբեջանի և Բահրեյնի միջև երկկողմ ու բազմակողմ համագործակցության հարցեր, հարաբերությունների հեռանկարները, ինչպես նաև տարածաշրջանային և միջազգային իրադարձությունները:

Անդրադարձ է կատարվել նաև Հայաստանի հետ խաղաղության գործընթացին։

«Մյուս կողմին մանրամասն տեղեկացվել է հետհակամարտային ​​շրջանում տարածաշրջանում ստեղծված իրավիճակի, ազատագրված տարածքներում Ադրբեջանի կողմից իրականացվող վերականգնողական և  աշխատանքների, ականային սպառնալիքի դեմ պայքարի ջանքերի, ինչպես նաև Ադրբեջանի և Հայաստանի հարաբերությունների կարգավորման գործընթացի, ինչպես նաև առկա խոչընդոտների, այդ թվում՝ Հայաստանի Սահմանադրությունում Ադրբեջանի նկատմամբ տարածքային պահանջների մասին»,- ասվում է ադրբեջանական կողմի հաղորդագրության մեջ։

Հիշեցնենք, որ թեպետ ՀՀ-ն ու Ադրբեջանը համաձայնեցրել են խաղաղության պայմանագրի տեքստը, Բաքուն տարբեր պատրվակներ է առաջ քաշում՝ համաձայնագիրը չստորագրելու համար։ Որպես պայման՝ Բաքուն պահանջում է ՀՀ Սահմադրության փոփոխություն և ԵԱՀԿ Մինսկի խմբի լուծարում։

ՀՀ վարչապետ Նիկոլ Փաշինյանն Ադրբեջանին ավելի վաղ առաջարկել էր ԵԱՀԿ Մինսկի խմբի լուծարման մասին համատեղ դիմումն ու խաղաղության համաձայնագիրը ստորագրել միաժամանակ, ինչին Բաքուն չի արձագանքել։

Թարգմանությունը՝ Էմմա Չոբանյանի