Առաջնային սպասարկման գերազանցության ծրագիր․ վերապատրաստման դասընթաց՝ Ամերիաբանկի աշխատակիցների համար

Վճարովի բովանդակություն

Ամերիաբանկը մայիսի 5-ից 8-ն անցկացրել է Առաջնային սպասարկման գերազանցության ծրագրի երկրորդ փուլը։ Այն վարել է ԱՄՆ Սպասարկման որակի ինստիտուտի մագիստրոս և հուզական բանականության ոլորտում որակավորված քոուչ Անետա Կարոբկինան։ Հրավիրյալ դասընթացավարն Ամերիաբանկի հետ համագործակցում է դեռևս 2018 թվականից։

Բանկի հետգրասենյակային անձնակազմի համար կազմակերպված վերապատրաստման երկրորդ փուլը բաղկացած էր երկու բաղադրիչից։ Վերապատրաստման ընթացքում կատարելագործվել են ներքին դասընթացավարների հմտությունները, այդ թվում՝ նրանց կողմից ներքին դասընթացավարների դասավանդման և ուսումնական նյութեր մշակելու կարողությունները։ Վերապատրաստումն իրականացվել է բանկում ներդրվող Ուսուցման կառավարման համակարգի գործընթացի ներքո։

Քառօրյա վերապատրաստման երկրորդ բաղադրիչը «Service Mindset» դասընթացն է, որին մասնակցել են հետգրասենյակային թիմերի ղեկավարները, և որի նպատակն է բարձրացնել սպասարկման առաջնային օղակի և հետգրասենյակային թիմերի միջև համագործակցության արդյունավետությունը, ինչն իր հերթին խթանելու է հաճախորդներին մատուցվող սպասարկման որակի շարունակական բարելավումը։ Թրեյնինգի արդյունքում վերապատրաստվել է 27 ներքին թրեյներ, իսկ Service Mindset դասընթացին մասնակցել է շուրջ 60 հետգրասենյակային մենեջեր։

Գաղտնիք չէ, որ ժամանակակից աշխարհում հաջողելու համար ցանկացած կազմակերպության համար միայն տեխնոլոգիական լուծումների կիրառումը բավարար չէ: Հաջողութունը գալիս է ժամանակակից տեխնոլոգիաներն ու լուծումները մարդկային շփման, սպասարկման որակի և հոգատարության հետ համադրելու արդյունքում։ Միջազգային հետազոտությունների համաձայն ևս սպասարկման ոլորտի բոլոր ուղղությունների կենտրոնում շարունակում է մնալ մարդը ,և այս ծրագրով բանկը վերահաստատում է, որ Ամերիան, առաջին հերթին, բանկ է մարդկանց մասին։

Մանրամասները՝ տեսանյութում։

Անի Թամրազյան