24.06.2026 | 21:15
Ինչպես է երիտասարդ այգեգործը շրջանցել ՌԴ սահմանափակումները․ ծիրանի վաճառք՝ այլ շուկայում. ՏԵՍԱՆՅՈՒԹ
Ըստ կարգապահական վարույթի՝ դատավոր Վահագն Մելիքյանը գրավադրել է հարևանի անվամբ բնակարանը և վարել աղջկա անունով գրանցված մեքենան
Հասարակություն
09.05.2025 | 14:25
Երևանի քրեական դատարանի դատավոր Վահագն Մելիքյանի կարգապահական վարույթը հարուցվել է նրա հայտարարագրերի համալիր ուսումնասիրության արդյունքում։ Ըստ կարգապահական գործի՝ դատավորը գրավադրել է հարևանի անվամբ գրանցված բնակարանը, որը, Կոռուպցիայի կանխարգելման հանձնաժողովի պնդմամբ, պատկանում է Մելիքյանին և վարել աղջկա անվամբ գրանցված ավտոմեքենա։
Հայտարարագրում տվյալ թաքցնելը կամ կեղծ տվյալ ներկայացնելը ոչ միայն կարգապահական, այլ նաև քրեական վարույթ նախաձեռնելու հիմք է։ Ենթադրվում է, որ ԲԴԽ դիմելուն զուգահեռ Կոռուպցիայի կանխարգելման հանձաժողովը պետք է դիմեր նաև Դատախազություն՝ քրեական վարույթ նախաձեռնելու հարցով, սակայն այս մասով հստակ տեղեկատվություն մեզ հայտնի չէ։
Հիշեցնենք՝ Factor․am-ը մայիսի 6-ին գրել էր այն մասին, որ Երևանի քրեական դատարանի դատավոր Վահագն Մելիքյանի վերաբերյալ կարգապահական վարույթ է հարուցվել, որը մայիսի 19-ին կքննվի Բարձրագույն դատական խորհրդում:
Կարգապահական գործի վերաբերյալ մեկնաբանություն ստանալու հարցով դիմել ենք նաև դատավոր Մելիքյանին, սակայն նրա օգնականը փոխանցել է, որ դատավորը լրատվամիջոցներին ասելիք չունի։
Արաքս Մամուլյան
