16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Բան ունե՞ք ասելու, եկեք ուղիղ եթերում խոսենք․ ինչքա՞ն պետք է գնան պատի տակ խոսան․ Փաշինյանը՝ ՀՀ նախկին նախագահներին․ ՏԵՍԱՆՅՈՒԹ
Քաղաքականություն
07.05.2025 | 17:35
«Ես ուզում եմ հիշեցնել, որ 2016 թվականի քառօրյա պատերազմը դե-յուրե քաղաքականապես չի ավարտվել, դրա արդյունքում ոչ մի թուղթ չի ստորագրվել։ Ուզում եմ հիշեցնել, թե որն էր դրանից առաջ պատերազմ թույլ չտալու Ռոբորտ Քոչարյանի մեթոդաբանությունը՝ Մեղրին փոխել Ղարաբաղի հետ, Մադրիդյան սկզբունքներ»,- այս մասին ԱԺ-Կառավարություն հարցուպատասխանի ժամանակ ասաց ՀՀ վարչապետ Նիկոլ Փաշինյանը՝ արձագանքելով ավելի վաղ Ռոբերտ Քոչարյանի արած այն հայտարարությանը, թե ՀՀ իշխանություններն են հրահրել պատերազմը։
«Լսե՛ք, բան ունե՞ք ասելու՝ կրկնում եմ, եկեք գնանք խոսանք ուղիղ եթերում, հերի՛ք է գնաք խոսաք մութ անկյուններում, բան ունե՞ք խոսելու՝ եկեք գնանք խոսանք։
Ուզում եք՝ Ղարաբաղի բանակցությունների մասին խոսանք, ուզում եք՝ պատերազմը հետաձգել-չհետաձգելու մասին խոսանք, ինչի՞ մասին եք ուզում խոսանք, եկեք գնանք՝ խոսանք։ Բան ունե՞նք խոսալու, Ռոբերտ Քոչարյան, Սերժ Սարգսյան, Լևոն Տեր-Պետրոսյան, եկե՛ք գնանք՝ խոսանք։ Հերիք է մութ անկյուններում, ծառի տակ, պատի տակ խոսեք»,-ասաց Փաշինյանը՝ կրկին բանավեճի առաջարկ անելով ՀՀ նախկին նախագահներին։
Մանրամասները՝ տեսանյութում։
