24.06.2026 | 14:48
Ղալիբաֆը Բաքվում հայտարարել է՝ Մերձավոր Արևելքի պատերազմի ավարտի գործարքը «ԱՄՆ պարտության հռչակագիրն» է
Հրկիզել են ավագանու «Մայր Հայաստան» խմբակցության անդամի ընտանիքին պատկանող ավտոմեքենան. վարույթ է նախաձեռնվել
Հասարակություն
06.05.2025 | 11:03
Վաղ առավոտյան հայտնի դարձավ, որ հրկիզել են Երևանի ավագանու «Մայր Հայաստան» խմբակցության անդամ Գևորգ Ստեփանյանի ընտանիքին պատկանող ավտոմեքենան: Թե ով կամ ինչի համար է այդ քայլին դիմել, անհայտ է:
Քննչական կոմիտեի մամուլի խոսնակ Կիմա Ավդալյանը Factor.am-ին տեղեկացրեց, որ նախաձեռնվել է քրեական վարույթ գույք ոչնչացնելու կամ վնասելու հոդվածով, որը կատարվել է կապված անձի կամ նրա մերձավոր ազգականի կամ մերձավորի կողմից իր պետական, քաղաքական, ծառայողական մասնագիտական կամ հասարակական գործունեության կամ պարտքի կատարման հետ, և առանձնապես խոշոր չափերի գույքային վնաս է պատճառել: Այս հանցանքը պատժվում է երեքից վեց տարի ժամկետով ազատազրկմամբ:
Գևորգ Ստեփանյանը Factor.am-ի հետ զրույցում համոզմունք է հայտնել, թե իշխանության ներկայացուցիչներն են իր մեքենան այրելու փորձ արել: Նշենք, որ այն այլևս շահագործման ենթակա չէ:
Արփի Հակոբյան
