18.12.2025 | 15:06
Արման Ծառուկյանը՝ Բայդուլաևի դեմ մենամարտում տհաճ միջադեպի մասին․ ՏԵՍԱՆՅՈՒԹ
Ֆլորիդայի իշխանությունները «Մայքլ» փոթորկի պատճառով արտակարգ դրություն են հայտարարել
Քաղաքականություն
08.10.2018 | 12:18
Ամերիկյան Ֆլորիդայի իշխանությունները «Մայքլ» արևադարձային փոթորկի ուժգնացման պատճառով նահանգի 67 շրջաններից 26-ում արտակարգ դրության ռեժիմ են հայտարարել, հաղորդում է«ՌԻԱ Նովոստին»:
Նահանգապետ Ռիք Սթոքը հայտարարել է, որ նահանգային իշխանությունները բավականաչափ ժամանակ և ռեսուրս ունեն՝ փոթորկին պատրաստվելու համար: Աղետի հնարավոր հետևանքները վերացնելու համար ԱՄՆ ազգային գվարդիայի 500 ծառայողներ բարձր պատրաստության վիճակի են բերվել:
Ներկայում «Մայքլ» փոթորիկը մոլեգնում է մեքսիկական Կոնսումել կղզուց 170 կմ դեպի հարավ-արևելք և Կուբայից 230 կմ դեպի հարավ-արևմուտք:
Քամու առավելագույն արագությունը 95 կմ/ժ է: Կուբայի արևմուտքում հորդառատ անձրևներ են սպասվում:
Հիշեցնենք, որ սեպտեմբերին ամերիկյան ափերին հասած «Ֆլորենս» փոթորկի հետևանքով Հյուսիսային և Հարավային Կարոլինա նահանգներում 43 մարդ էր զոհվել: Աղետի հասցրած վնասը շուրջ 50 մլրդ դոլար է գնահատվել:
