09.12.2025 | 21:49
Ճապոնիան հրաժարվել է օգտագործել սառեցված ռուսական ակտիվները՝ Ուկրաինայի «փոխհատուցման վարկի» համար. Politico
Ամեն օր զեղծարարության զոհերն ավելանում են, ԿԲ-ն անտարբեր է. տուժած քաղաքացի․ ՏԵՍԱՆՅՈՒԹ
Հասարակություն
05.05.2025 | 16:23
Կիբեռհանցագործություններից, ֆինանսական զեղծարարություններից տուժած մի խումբ քաղաքացիներ բողոքի ակցիա իրականացրեցին Կենտրոնական Բանկի շենքի դիմաց։
Նրանք հանդիպում էին պահանջում ԿԲ պաշտոնատար անձի հետ, սակայն, որևէ պաշտոնյա նրանց չընդունեց։ Բողոքի ակցիայի մասնակիցներն այնուհետև գնացին Մարդու իրավունքների պաշտպանի գրասենյակ շարունակելու իրենց ակցիան։ Կիբեռհանցագործության զոհ դարձած քաղաքացիներից մեկը Factor TV-ի հետ զրույցում նշեց, որ, թեև շատերը տեղյակ են զեղծարարությունների մասին, բայց ամեն օր իրենց շարքերն ավելանում են։ Քաղաքացու համար անհասկանալի է, թե ինչպես է բանկն ասում, որ իր անվտանգության համակարգում նոր աշխատանքներ են տարվում, երբ զեղծարարությունները դարձյալ շարունակվում են։
«Քաղաքացիները տուժել են բանկերի անվտանգության համակարգը չպահպանելու հետևանքով, ինչպես են մեզ ասում, որ պետք է այդ ապօրինի վարկային պարտավորությունները կատարենք։ Մենք պահանջում ենք չեղարկել այդ ապօրինի վարկային պարտավորությունները, իսկ Կենտրոնական բանկն անտարբեր է իր քաղաքացու հանդեպ»,- նշեց նա։
Հիշեցնենք, որ վերջին շրջանում զեղծարարությունների զոհ դարձած քաղաքացիները մի շարք բողոքի ակցիաներ են իրականացրել ՀՀ կառավարության, ԿԲ-ի, ինչպես նաև տարբեր բանկերի գլխավոր գրասենյակների մոտ։ Քաղաքացիները դժգոհում են, որ իրենց անուններով տարբեր չափերի կեղծ վարկեր են ձևակերպվել, անձնական հաշիվներից գումարի հափշտակություն է արվել։
Քաղաքացիները նաև բողոքում են, որ թեպետ քրեական վարույթներ են նախաձեռնված և պարզ է, որ իրենք զեղծարարության զոհ են, սակայն բանկերը պահանջում են կատարել պարտավորությունները և վճարել ձևակերպված վարկերի դիմաց։
Մանրամասները՝ տեսանյութում։
