05.06.2026 | 12:13
Արմեն Աշոտյանը ձերբակալվել է, Արման Սահակյանը՝ կալանավորվել // Զելենսկին բաց նամակ է հղել Պուտինին․ ԼՈՒՐԵՐ
Իմ անունից 400 000 դրամ վարկ են ձևակերպել, 9 մլն դրամ գումար են տարել. քաղաքացի․ ՏԵՍԱՆՅՈՒԹ
Հասարակություն
05.05.2025 | 16:14
Ֆինանսական զեղծարարություններից տուժած մի խումբ քաղաքացիներ այսօր հերթական բողոքի ակցիան իրականացրին Կենտրոնական բանկի շենքի դիմաց։ Տուժած քաղաքացիներից մեկը լրագրողների հետ ճեպազրույցում հայտնեց, որ իր անունից 400 000 դրամ վարկ են ձևակերպել, բացի այդ 9 մլն 800 հազար դրամ էլ գումար են տարել հաշվեհամարից։
«Դատա՞րկ է էս շենքը մեկն իջնի պատասխան տա։ Մեր հարկերի հաշվին են էս կառույցներն աշխատում։ Մեկը չկա իջնի մեզ պատասխան տա։ Մեկ տարի առաջ եմ տուժել, իմ գործը քննչականում է, բայց մեկ քայլ առաջ չի գնացել»,- վրդովվեց բողոքի ակցիայի մասնակիցը։
Հիշեցնենք, որ վերջին շրջանում զեղծարարությունների զոհ դարձած քաղաքացիները մի շարք բողոքի ակցիաներ են իրականացրել ՀՀ կառավարության, ԿԲ-ի, ինչպես նաև տարբեր բանկերի գլխավոր գրասենյակների դիմաց։ Նրանք դժգոհում են, որ իրենց անուններով տարբեր չափերի կեղծ վարկեր են ձևակերպվել, անձնական հաշիվներից գումարի հափշտակություն է արվել։
Քաղաքացիները բողոքում են՝ թեպետ քրեական վարույթներ են նախաձեռնված և պարզ է, որ իրենք զեղծարարության զոհ են, սակայն բանկերը պահանջում են կատարել պարտավորությունները և վճարել ձևակերպված վարկերի դիմաց։
Մանրամասները՝ տեսանյութում։
