18.02.2026 | 22:52
14 ժամ ջուր չի լինի Շենգավիթ վարչական շրջանի մի շարք հասցեներում
Ստամբուլում ոստիկանությունն ուժ է կիրառել մայիսմեկյան ակցիաների մասնակիցների նկատմամբ․ կան ձերբակալվածներ․ ՏԵՍԱՆՅՈՒԹ
Քաղաքականություն
01.05.2025 | 14:04
Թուրքիայում աշխատավորներն ու տարբեր կազմակերպությունների և կուսակցությունների ներկայացուցիչներ մայիսի 1-ին դուրս են եկել փողոցներ՝ տարբեր ակցիաներ իրականացնելով տնտեսական ռեակցիոն և ճնշող քաղաքականության դեմ, գրում են տեղական լրատվամիջոցները։
Ստամբուլի նահանգապետարանի կողմից մայիսի 1-ին Թաքսիմ հրապարակ մուտք գործելու արգելքի շրջանակում վաղ առավոտյան երթևեկության համար փակվել են դեպի հրապարակ տանող բոլոր ճանապարհները։
Ավելի վաղ Ստամբուլի նահանգային իշխանությունները փակել էին մետրոն, ավտոբուսները և Բոսֆորի լաստանավերը՝ կաթվածահար անելով Թուրքիայի ամենամեծ քաղաքը՝ մայիսմեկյան ցույցերը կանխելու նպատակով։
Մայիսի 1-ի Թաքսիմի կազմակերպչական կոմիտեն, որը, չնայած Ստամբուլում արգելքներին և շրջափակումներին, «Թաքսիմը պատկանում է ժողովրդին» կոչով հորդորել է վաղ առավոտից հավաքվել Ստաբուլի Շիշլի և Մեջիդիյեքյոյ շրջաններում։ Առավոտյան բազմաթիվ խմբեր երթով անցել են փողոցներով՝ կարգախոսներ վանկարկելով, ինչից հետո սկսվել է ոստիկանության միջամտությունը։ Իրավապահները բռնի ուժ են կիրառել ցուցարարների նկատմամբ։
Ժամանակակից իրավաբանների ասոցիացիան (ÇHD) հաղորդում է, որ շուրջ 300 մարդ է ձերբակալվել, նրանց թվում կա 9 փաստաբան։
Թարգմանությունը՝ Էմմա Չոբանյանի
