05.12.2025 | 23:01
Եվրոպական հանձնաժողովը 120 միլիոն եվրոյով տուգանել է Իլոն Մասկի X-ին
Անկարան այս անգամ չի արգելափակի․ Թուրքիան թույլատրել է Նեթանյահուին իր օդային տարածքով թռչել Ադրբեջան
Քաղաքականություն
30.04.2025 | 20:44
Թուրքիան թույլատրել է Իսրայելի վարչապետ Բենիամին Նեթանյահուի ինքնաթիռին օգտագործել իր օդային տարածքը՝ Ադրբեջան այցելելու համար։ Այս մասին հայտնել է Ադրբեջանաիսրայելական ալյանսը (AIA), որին վկայակոչում են ադրբեջանական լրատվամիջոցները։
«Նեթանյահուի Kanaf Zion ինքնաթիռը Ադրբեջան կժամանի մայիսի 7-ի երեկոյան»,- ասվում է հայտարարության մեջ։
Նախօրեին էլ The Times of Israel-ը, հղում անելով Իսրայելի վարչապետի գրասենյակին, հայտնել էր, որ Նեթանյահուն Բաքու կժամանի մայիսի 7-ին: Նրա այցը կտևի մինչև մայիսի 11-ը։ Մայիսի 8-ին նախատեսվում է Նեթանյահուի հանդիպումը Ադրբեջանի նախագահ Իլհամ Ալիևի և հրեական համայնքի հետ։
Նեթանյահուի նախորդ այցը Ադրբեջան տեղի էր ունեցել 2016 թվականին։
Հիշեցնենք, որ 2024 թվականի նոյեմբերին Թուրքիան փաստացի խոչընդոտել էր Իսրայելի նախագահ Իցհակ Հերցոգի մասնակցությանն Ադրբեջանում COP29 գագաթնաժողովին՝ արգելափակելով նրա ինքնաթիռի թռիչքը իր օդային տարածքով: Իսրայելի իշխանությունները ցանկացել էին օգտագործել Թուրքիայի օդային տարածքը Հերցոգի ինքնաթիռի համար, սակայն թուրքական կողմից մերժում էին ստացել։ Ի վերջո, Հերցոգի այցը Բաքու չեղարկվել էր։
Թարգմանությունը՝ Էմմա Չոբանյանի
