08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Իրանի ամենամեծ նավահանգստում տեղի ունեցած պայթյունի զոհերի թիվն աճել է․ բուժհաստատություններում 1139 մարդ կա
Քաղաքականություն
27.04.2025 | 13:08
Իրանի Շահիդ Ռաջայի նավահանգստում տեղի ունեցած պայթյունի հետևանքով 25 մարդ է զոհվել, հայտնում է իրանական IRIB-ը։ Եվս 1139 մարդ վիրավորվել է։
«Հրդեհը 80%-ով տեղայնացված է, իսկ մնացած 20%-ը տեղայնացնելու աշխատանքները շարունակվում են», – ասել է Իրանի կառավարության խոսնակ Ֆաթեմեհ Մոհաջերանին։ Նրա խոսքով՝ իրավիճակը վերահսկողության տակ է։ Նահանգում եռօրյա սուգ է հայտարարվել։
Պայթյունի ձայնը լսվել է նաև Քեշմ կղզում, որը գտնվում է պայթյունի վայրից 26 կմ հեռավորության վրա։ Բանդար Աբբասը Իրանի ամենամեծ նավահանգիստն է, որով անցնում է տարանցիկ բեռների մեծ մասը։ Պայթյունից հետո նավահանգիստը չի աշխատում։
«Շահիդ Ռաջայի նավահանգստում իրավիճակը վերահսկողության տակ է։ Բժշկական հաստատություններում 1139 մարդ կա։ Նրանցից մի քանիսը Շիրազ և Լուրեստան են տեղափոխվել օդային ճանապարհով», – X-ում գրել է Ֆաթեմեհ Մոհաջերանին։
Ավելի վաղ The New York Times-ը (NYT)՝ հղում անելով Իսլամական հեղափոխության պահապանների կորպուսի (IRGC) հետ կապված իր աղբյուրին՝ հայտնել է, որ նավահանգստում պայթել է նատրիումի պերքլորատը։ Այն բալիստիկ հրթիռների պինդ վառելիքի հիմնական բաղադրիչն է։
«Նավահանգիստը մարտ ամսին ստացել է նատրիումի պերքլորատ պարունակող հրթիռային վառելիքի խմբաքանակ։ Ըստ տեղեկությունների՝ հրդեհը առաջացել է վառելիքի խմբաքանակի հետ անփույթ վարվելու պատճառով»,-փոխանցում է AP-ն։
Իրանը չի հաստատել բեռի ստացումը։ ՄԱԿ-ում Իրանի առաքելությունը չի արձագանքել AP-ի մեկնաբանության խնդրանքին։
