17.12.2025 | 17:37
ԱԺ «Հայաստան» խմբակցության երեք պատգամավոր երաշխավորություն են ներկայացրել Վարդան Ղուկասյանի խափանման միջոցը փոխելու համար
Բաքվում Արցախի ղեկավարների շինծու գործերով նիստում «տուժողներ» են ցուցմունքներ տալիս
Քաղաքականություն
25.04.2025 | 18:18
Բաքվի զինվորական դատարանում դատավոր Զեյնալ Աղաևի նախագահությամբ շարունակվող Արցախի ղեկավարների 7 այլ պաշտոնյաների շինծու գործերով նիստում «տուժողներ» են ցուցմունք տվել։
Նրանցից Աղալար Ալիևը, ըստ ադրբեջանական լրատվամիջոցների, ասել է, որ ծնվել է Շուշիում, միջնակարգ դպրոցում հայերի հետ է սովորել։ Նա նաև ասել է, թե «աշխատել է իրավապահ մարմիններում այն ժամանակ, երբ Հայաստանը տարածքային պահանջներ է ունեցել Ադրբեջանի նկատմամբ»։
Ալիևը ասել է, թե «Միացում» շարժումը բացահայտ սկսվել է 1988 թվականի փետրվարին․ «Նրանք ասում էին, որ հայերը պահանջում են, որ Ղարաբաղը փոխանցվի Հայաստանին»։
Այնուհետև «տուժողը» պատասխանել է պետական մեղադրողների, ներկայացուցիչների, «տուժածների» ներկայացուցիչների, պաշտպանության կողմի հարցերին։
Դատական նիստը շարունակվում է։
Թարգմանությունը՝ Էմմա Չոբանյանի
