Քաղաքականություն
24.04.2025 | 16:35
Ավստրալիայի Նոր Հարավային Ուելսի խորհրդարանի Օրենսդիր խորհրդի (խորհրդարանի վերին պալատ) պատգամավոր, Ստվերային կառավարության հատուկ պետնախարար Քրիս Ռաթը կոչ է անում Ավստրալիայի կառավարությանը պաշտոնապես ճանաչել Հայոց ցեղասպանությունը:
«Արմենպրես»-ի փոխանցմամբ՝ պատգամավորն այդ մասին գրել է X-ի իր հարթակում:
«Այսօր ավստրալահայերը հիշում են Օսմանյան կայսրության կողմից իրականացված սարսափելի վայրագությունները.
Ես կոչ եմ անում Դաշնային կառավարությանը պաշտոնապես ճանաչել Հայոց ցեղասպանությունը և կանգնել մեր հայ համայնքի կողքին»,- գրել է նա:
