08.09.2026 | 18:32
Հայաստան-Թուրքիա սահմանի թուրքական Ալիջան անցակետի բացման շինաշխատանքները շարունակվում են. ԼՈՒՍԱՆԿԱՐՆԵՐ
Ռուբեն Վարդանյանի շինծու գործով նիստում ցուցմունք են տալիս իբրև թե «ականների պայթյուններից տուժածները»
Քաղաքականություն
22.04.2025 | 16:35
Բաքվի զինվորական դատարանում շարունակվում է Արցախի նախկին պետնախարար Ռուբեն Վարդանյանի նկատմամբ հարուցված շինծու քրեական գործերով դատական նիստը։ Ադրբեջանական լրավամիջոցների փոխանցմամբ՝ դատական նիստը ընթանում է, այսպես կոչված, «տուժողների» հարցաքննությամբ։ Նշվում է, թե նրանց մեծ մասն ականների պայթյուններից «տուժածներ» են, որոնց ոտքերն անդամահատվել են։
«Տուժողների» մեծ մասը դատարան է եկել հենակներով և ձեռնափայտերով։
Մասնավորապես, «տուժողներից» Հասանլի Ալիևը հայտարարել է, թե «2024 թվականի փետրվարի 4-ին իր բակում անասուններ արածեցնելիս կանգնել է հայերի կողմից տեղադրված ականի վրա»։
«Արդյունքում, իմ ձախ ոտքի ստորին հատվածի մեկ երրորդը անդամահատվել է»,- ասել է նա։
Հավելենք, որ Ռուբեն Վարդանյանի շինծու գործերով նախորդ նիստերում էլ տարբեր զինվորներ էին ցուցմունքներ տվել՝ հայտարարելով, թե իբր, վիրավորվել են հայկական բանակի և «հայկական անօրինական զինված կազմավորումների կողմից» իրականացված սադրանքների ժամանակ։
Թարգմանությունը՝ Էմմա Չոբանյանի
