20.12.2025 | 17:32
Եղեգնաձորի տներից մեկում և ավտոտնակում հրդեհ է բռնկվել
Զելենսկին մեղադրում է Ռուսաստանի զինված ուժերին «Զատկի զինադադարը» խախտելու մեջ
Քաղաքականություն
20.04.2025 | 16:09
Ռուսական զորքերը չեն պահպանում նախօրեին հայտարարված «Զատկի զինադադարը» և շարունակում են հարձակվել Ուկրաինայի զինված ուժերի դիրքերի վրա։ Այս մասին այսօր՝ իր տելեգրամյան ալիքում գրել է Ուկրաինայի նախագահ Վլադիմիր Զելենսկին. փոխանցում է DW-ն։
Նրա խոսքով՝ կիրակի գիշերն առաջնագծի տարբեր ուղղություններով արդեն տեղի է ունեցել 59 ռուսական հրետակոծություն և ռուսական ստորաբաժանումների հինգ հարձակողական գործողություն»։ «Մեր զինվորները ամենուրեք արձագանքում են այնպես, ինչպես թշնամին արժանի է կոնկրետ մարտական իրավիճակներում։ Ուկրաինան կշարունակի գործել հայելային ձևով», – գրել է Ուկրաինայի նախագահը։
Վլադիմիր Զելենսկիի խոսքով՝ շաբաթ երեկոյան Ուկրաինայի զինված ուժերը գրանցել են ռուսական 387 կրակոց և 19 գրոհային գործողություն։ «Ընդհանուր առմամբ, Զատկի առավոտվա դրությամբ կարող ենք ասել, որ ռուսական բանակը փորձում է ստեղծել հրադադարի ընդհանուր տպավորություն, բայց երբեմն չի հրաժարվում առաջխաղացման և Ուկրաինային կորուստներ պատճառելու անհատական փորձերից», – գրել է Զելենսկին։
Նա կոչ արեց Ռուսաստանին պահպանել հրադադարը և հաստատեց Կիևի առաջարկը՝ այն Զատիկից հետո 30 օրով երկարաձգելու վերաբերյալ։
