08.10.2026 | 17:35
Եվրախորհրդարանում կոչ են արել փակել ԵՄ տարածքում գործող բոլոր «Ռուսական տները»
ՌԴ իշխանությունները պլանավորում են օգտագործել ազգայնացված ամերիկյան ընկերությունը` բանակի մատակարարումների համար. Reuters
Քաղաքականություն
17.04.2025 | 14:41
Պահածոներ արտադրող «Գլավպրոդուկտ» ընկերության նոր ղեկավարությունը հայտարարել է, որ մտադիր է սնունդ մատակարարել Ազգային գվարդիայի և պաշտպանության նախարարությանը։ Այդ մասին ասվում է ընկերության ղեկավարության՝ ՌԴ Գլխավոր դատախազությանն ուղղված նամակում, որի բովանդակությանը ծանոթացել է Reuters գործակալությունը։
«Գլավպրոդուկտ»-ը միակ ամերիկյան ընկերությունն է, որի գույքը առգրավվել է Ռուսաստանի պետության օգտին` Ուկրաինա լայնածավալ ներխուժումից հետո։ Այն պատկանում էր ԱՄՆ-ում բնակվող գործարար Լեոնիդ Սմիրնովին։ 2024թ. մարտին ՌԴ Գլխավոր դատախազությունը Սմիրնովին մեղադրել է Ռուսաստանից ապօրինի միջոցներ դուրս բերելու մեջ։ Դրանից հետո «Գլավպրոդուկտ»-ի ակտիվները բռնագանձվել են և փոխանցվել են «Ռոսիմուշեստվոյի» հսկողությանը։
Reuters-ի տվյալներով՝ «Ռոսիմուշեստվոն» նոր գլխավոր տնօրեն է նշանակել «Գլավպրոդուկտ»-ում՝ «Ժողովուրդների բարեկամություն» անունով սննդի արտադրող ընկերության խնդրանքով, որը սնունդ է մատակարարում Ռոսգվարդիային։
Ինչպես նշում է գործակալությունը, մինչ այս «Գլավպրոդուկտ»-ը երբեք չի համագործակցել ռուսական ուժային կառույցների հետ։ 2024թ. փետրվարին ԱՄՆ պետքարտուղար Մարկո Ռուբիոն հայտարարել էր, որ Սպիտակ տունը ցանկանում է վերադարձնել ընկերությունը ամերիկացի սեփականատերերին և այդ հարցով բանակցություններ է վարում Ռուսաստանի հետ։
Reuters-ի ձևակերպմամբ՝ ռուսական բանակին սննդամթերք մատակարարելը՝ օգտագործելով Կրեմլի կողմից առգրավված ամերիկյան ընկերությունը, կարող է վտանգի տակ դնել Ռուսաստանի և ԱՄՆ-ի հարաբերությունների բարելավումը։
