17.07.2026 | 14:53
Պետական միջոցներով վերակառուցված պոմպակայանը դարձել է մասնավոր սեփականություն․ Նոյեմբերյանի համայնքապետի գործը դատարանում է
Թրամփը մերժել է Իսրայելի՝ Իրանի վրա հարձակվելու մտադրությունը. The New York Times
Քաղաքականություն
17.04.2025 | 13:02
ԱՄՆ նախագահ Դոնալդ Թրամփը որոշել է մերժել Իրանի միջուկային օբյեկտներին հարվածելու՝ Իսրայելի մտադրությունը, այն բանից հետո, երբ նրա վարչակազմում այդ հարցով տարաձայնություններ են առաջացել, գրում է The New York Times-ը՝ վկայակոչելով իր աղբյուրներին։
Փոխարենը Թրամփը որոշել է կենտրոնանալ Թեհրանի հետ բանակցությունների վրա՝ վերջինիս միջուկային ծրագրի սահմանափակման շուրջ։
Ըստ NYT-ի՝ Իսրայելը մշակել էր հարձակման պլաններ, որոնք նախատեսվում էր իրականացնել մայիսին։ Նպատակը միջուկային զենք ստեղծելու Իրանի կարողությունն առնվազն մեկ տարով հետաձգելն էր։ Այդ ծրագրի իրականացումը կպահանջեր ԱՄՆ-ի աջակցությունը, սակայն Սպիտակ տան վարչակազմի մի շարք պաշտոնյաներ կասկածներ են հայտնել դրա արդյունավետության ու նպատակահարմարության վերաբերյալ։ Վերջապես, մի քանի ամիս տևած ներքին քննարկումներից հետո Թրամփը, ըստ ամենայնի, նախընտրել է դիվանագիտական ճանապարհը։
Հիշեցնենք, որ ԱՄՆ-ն ու Իրանը բանակցություններ անցկացրեցին Օմանում, քննարկումների երկրորդ փուլը նախատեսված է շաբաթ՝ ապրիլի 19-ին:
