23.02.2026 | 20:00
Իրանի դեմ ԱՄՆ-ի ռազմական գործողությունների վտանգը մեծ է․ դիվանագիտական գործարքի շանսը նվազ է․ Արմեն Պետրոսյան․ ՏԵՍԱՆՅՈՒԹ
Քննարկվում է անչափահասների կամավոր թմրաթեստավորման ներդրման հնարավորությունը․ Արփինե Սարգսյան
16.04.2025 | 14:23
«Դուք ծանոթ եք իմ ներկայացրած առաջարկին՝ կապված բարձր դասարաններում թմրամոլության թեստի ստուգման հետ, ի՞նչ աշխատանքներ եք արել, ե՞րբ եք պատրաստվում կիրառել դպրոցներում»,- ԱԺ-ում դիմելով ՆԳ նախարար Արփինե Սարգսանին՝ հարցրեց պատգամավոր Գեղամ Նազարյանը:
Ի պատասխան նախարարը տեղեկացրեց, որ շաբաթներ առաջ վարչապետ Նիկոլ Փաշինյանի մասնակցությամբ կայացած քննարկման ընթացքում ընդգծվել է թմրամիջոցների տարածման կանխարգելման ուղղությամբ նոր ռազմավարության մշակման և կառավարության որոշմամբ դրա հաստատման անհրաժեշտությունը։
«Մենք այն համոզմանն ենք, որ անչափահասներին նմանատիպ բացասական հակվածությունից զերծ պահելը չափազանց կարևոր է հետագայում ավելի դրական արդյունքներ արձանագրելու տեսանկյունից։ Եվ հենց այս տարիքում կոնկրետ մեխանիզմների նախատեսումը շատ կարևոր է»,-ասաց Սարգսյանը` հավելելով, որ քննարկվում է անչափահասների կամավոր թմրաթեստավորման ներդրման հնարավորությունը։
Մանրամասները՝ տեսանյութում։
