17.07.2026 | 17:20
Հրայր Թովմասյանը դիմել է Մարդու իրավունքների եվրոպական դատարան
Մարկո Ռուբիոն ու Հաքան Ֆիդանը քննարկել են «Իրանի կողմից վտանգները»
Քաղաքականություն
15.04.2025 | 16:40
ԱՄՆ պետքարտուղար Մարկո Ռուբիոն ու Թուրքիայի ԱԳ նախարար Հաքան Ֆիդանը նախօրեին տեղի ունեցած հեռախոսազրույցում քննարկել են Իրանի շուրջ իրավիճակը։
«Պետքարտուղար Մարկո Ռուբիոն այսօր Թուրքիայի արտաքին գործերի նախարար Հաքան Ֆիդանի հետ քննարկել է Իրանի և նրա պրոքսիների կողմից տարածաշրջանային անվտանգությանն ու կայունությանը սպառնացող վտանգները»,- ասվում է Պետքարտուղարության խոսնակ Թամի Բրյուսի տարածած հաղորդագրության մեջ։ Նշվում է նաև, որ կողմերը համաձայնության են եկել ահաբեկչության դեմ պայքարի և ՆԱՏՕ-ի ամրապնդման գործում համագործակցության կարևորության հարցում։
Հիշեցնենք, որ Թուրքիայի ԱԳՆ աղբյուրները ավելի վաղ հայտնել էին Ռուբիոյի ու Ֆիդանի հեռախոսազրույցի մասին։ Ըստ թուրքական կողմի՝ քննարկվել են երկկողմ հարաբերությունները, ինչպես նաև՝ Սիրիայում տեղի ունեցող զարգացումները և Գազայում մարդասիրական իրավիճակը, ռուս-ուկրաինական պատերազմում հրադադարի հաստատման ջանքերը։
Բացի այդ՝ թուրքական դիվանագիտական աղբյուրները հայտնում են, որ Ֆիդանը նախօրեին նաև զրուցել է Իրանի ԱԳ նախարար Աբբաս Արաղչիի հետ՝ Թեհրանի միջուկային բանակցությունների վերաբերյալ։
Այս քննարկումները հաջորդել են շաբաթ օրը Մասկատ քաղաքում Օմանի միջնորդությամբ կայացած ԱՄՆ-Իրան անուղղակի բանակցություններին։
Թարգմանությունը՝ Էմմա Չոբանյանի
