10.12.2025 | 19:10
Ինչքան շահույթ են ստացել ապահովագրական ընկերությունները
Բողոքի ակցիա ԱԺ շենքի դիմաց. ՈւՂԻՂ
Հասարակություն
15.04.2025 | 09:48
Երևանի ավագանու «Մայր Հայաստան» խմբակցությունը բողոքի ակցիա է իրականացնում ԱԺ շենքի դիմաց։ Ակցիայի նպատակն է իմանալ շենք մտնող ՔՊ խմբակցության պատգամավորների դիրքորոշումը տրանսպորտի թանկացման և ուղեվարձը չվճարող քաղաքացիներին տուգանելու նախագծի վերաբերյալ։
Հիշեցնենք, որ Երևանի քաղաքապետարանը մշակել է նախագիծ, որով առաջարկում է հասարակական տրանսպորտի համար չվճարելու կամ վճարման կարգը խախտելու համար քաղաքացիներին տուգանել 3000-15000 դրամով։
Ու թեև օրենքի նախագիծը մշակել է Երևանի քաղաքապետարանը, բայց այն հանրային քննարկման է դրել ու ԱԺ ներկայացրել Տարածքային կառավարման նախարարությունը։ Նախագիծը վերաբերում է ոչ միայն Երևանին, այլև բոլոր համայնքներին։ Օրենքի նախագծով առաջարկվում է հետևյալը․ ուղևորները պարտավոր են տրանսպորտային միջոց նստելուց անմիջապես հետո վճարել ուղեվարձը, վավերացված տոմսը հսկիչների պահանջի դեպքում տրամադրել նրանց, չներկայացնելու դեպքում տուգանք է նախատեսված:
Ուղեվարձը չվճարելու կամ տոմս ունենալու, բայց չվավերացնելու դեպքում տուգանքը 10 հազար դրամ է, իսկ եթե արտոնություն ունեցող անձի փոխարեն երթևեկի այլ անձ, կտուգանվի 15 հազար դրամով:
Այսօր մեկնարկած ԱԺ լիագումար նիստի օրակարգում ներառված է նաև այս նախագիծը։ Երեկ կայացած հանձնաժողովի նիսում ՔՊ խմբակցության պատգամավորների կողմ ձայներով նախագիծը դրական եզրակացություն է ստացել։
Մանրամասները՝ տեսանյութում։
Արփի Հակոբյան
