08.05.2025 | 23:28
Ռուսաստանն ու ԱՄՆ-ը քննարկում են Եվրոպա ռուսական գազի մատակարարումների վերսկսման տարբերակները․ Reuters
Բայրամովը Լիտվայի ԱԳ փոխնախարարին դժգոհել է «ՀՀ ռազմականացումից և Սահմանադրությունից»
Քաղաքականություն
14.04.2025 | 18:47
Ադրբեջանի արտաքին գործերի նախարար Ջեյհուն Բայրամովը Բաքվում Լիտվայի արտաքին գործերի փոխնախարար Յուլիուս Պրանևիչուսի հետ հանդիպմանը քննարկել է ադրբեջանա-լիտվական երկկողմ և բազմակողմ հարաբերությունները, տարածաշրջանային ու միջազգային իրավիճակը:
Ադրբեջանական կողմի հաղորդմամբ՝ Բայրամովն «իր զրուցակցին մանրամասն տեղեկացրել է հետհակամարտական շրջանում տարածաշրջանում ստեղծված իրավիճակի և իրողությունների, ականների սպառնալիքի դեմ պայքարի ջանքերի, ինչպես նաև Ադրբեջանի և Հայաստանի միջև հարաբերությունների կարգավորման գործընթացի առաջընթացի մասին»։
«Ուշադրության են ներկայացվել խաղաղության գործընթացի և կարգավորման առաջխաղացման կոչերը, այդ թվում՝ մեր երկրի նկատմամբ շարունակվող տարածքային պահանջները, որոնք պարունակվում են Հայաստանի Սահմանադրության և մի շարք օրենսդրական ակտերի մեջ, Հայաստանի արագ ռազմականացումը, ինչպես նաև ԵԱՀԿ Մինսկի խմբի և համապատասխան կառույցների հարցը, որոնք անցյալում մնացած հակամարտության մնացորդներ են»,- ասվում է հայտարարության մեջ։
Թարգմանությունը՝ Էմմա Չոբանյանի
