25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Մերցը կարծում է, որ Գերմանիան պետք է Կիևին «Taurus» հրթիռներ մատակարարի
Քաղաքականություն
14.04.2025 | 13:55
Ֆրիդրիխ Մերցը, որը, ինչպես սպասվում է, մայիսին կստանձնի Գերմանիայի կանցլերի պաշտոնը, կարծում է, որ Բեռլինը պետք է Ուկրաինային «Taurus» հեռահար հրթիռներ մատակարարի։ Այս մասին նա հայտարարել է գերմանական ARD հեռուստաալիքին տված հարցազրույցում, փոխանցում է BBC-ի ռուսական ծառայությունը։
Մերցի խոսքով՝ Taurus-ը, որի շառավիղը մինչև 500 կմ է, կարող է մատակարարվել Կիևին, եթե նախաձեռնությունը համաձայնեցվի Ուկրաինայի մյուս դաշնակից երկրների հետ։
«ԱՄՆ-ն Ուկրաինային մատակարարում է հրթիռներ, Ֆրանսիան և Մեծ Բրիտանիան մատակարարում են, մենք նույնպես պետք է մատակարարեինք»,- ասել է Մերցը։
Նրա նախորդը՝ Գերմանիայի դաշնային կանցլեր Օլաֆ Շոլցը, դեմ էր Կիևին Taurus-ների մատակարարմանը՝ բացատրելով իր դիրքորոշումը նրանով, որ այս հրթիռների հեռահարությունը թույլ կտա Կիևին դրանք օգտագործել Ռուսաստանի տարածքի խորքին հարվածելու համար, ինչը, ըստ նրա, կնշանակեր Գերմանիայի անմիջական մասնակցությունը պատերազմին։
Ավելի վաղ Մերցը և Շոլցը դատապարտել էին Ռուսաստանի կողմից ապրիլի 13-ին Ուկրաինայի Սումի քաղաքին հասցված հրթիռային հարվածը, որի հետևանքով զոհվել է 34 մարդ, այդ թվում՝ երկու երեխա, վիրավորվել ավելի քան 100 մարդ։
Թարգմանությունը՝ Էմմա Չոբանյանի
