04.05.2025 | 21:54
«Երևանի քաղաքապետի գավաթ» վոլեյբոլի առաջնության միջազգային մրցաշարին մասնակցեցին 6 երկրների 108 մարզիկներ
Ապրիլի 15-16-ը Թուրքիայում տեղի կունենա Սև ծովի անվտանգության գագաթնաժողով, որին ՌԴ պատվիրակություն չի մասնակցի
Քաղաքականություն
14.04.2025 | 12:29
Թուրքիան ապրիլի 15-16-ը Անկարայում կհյուրընկալի Սև ծովի անվտանգությանը նվիրված բարձր մակարդակի հանդիպում, որին կմասնակցեն մի շարք օտարերկրյա պետությունների ռազմական ներկայացուցիչներ՝ քննարկելու Ուկրաինայի և Ռուսաստանի միջև հնարավոր հրադադարից հետո անվտանգության միջոցառումները։ Այս մասին հայտնել է Թուրքիայի Պաշտպանության նախարարությունը, գրում է Turkiye today-ը։
Նշվում է, որ Ռազմածովային ուժերի շտաբում նախատեսված երկօրյա հանդիպումը կկենտրոնանա Սև ծովում կայունության պահպանմանն ուղղված ռազմածովային պլանավորման վրա։
Աղբյուրի փոխանցմամբ՝ թեև նախարարությունը չի բացահայտել, թե որ երկրներն են մասնակցելու հավաքին, սակայն հաստատել է, որ ռուս պաշտոնյաները չեն լինի մասնակից պատվիրակությունների շարքում։
Նշվում է, որ Թուրքիան շարունակում է դիվանագիտական ջանքերը՝ Ռուսաստանի և Ուկրաինայի միջև 2022 թվականի փետրվարին սկսված պատերազմին վերջ դնելու համար։ Անկարան բազմիցս կոչ է արել և՛ Կիևին, և՛ Մոսկվային խաղաղություն հաստատել բանակցությունների միջոցով և պատրաստակամություն է հայտնել աջակցել ցանկացած նախաձեռնության՝ երկարատև հրադադարի հաստատմանը նպաստելու համար։
Թարգմանությունը՝ Էմմա Չոբանյանի
