Դատախազը դատարան է հանձնել պաշտոնեական անփութության մեջ մեղադրվող դատավորի վերաբերյալ քրեական վարույթը

Լուրեր

18.11.2026 | 09:36
ՀՀ տարածքում ավտոճանապարհները հիմնականում անցանելի են
17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
Բոլորը

Դատախազը 2025 թվականի ապրիլի 3-ին Արարատի և Վայոց ձորի մարզերի առաջին ատյանի ընդհանուր իրավասության դատարան է հանձնել պաշտոնեական անփութության մեջ մեղադրվող դատավորի վերաբերյալ հաստատված մեղադրական եզրակացությամբ քրեական վարույթը․ հյատնում են ՀՀ գլխավոր դատախազությունից։

Հիշեցնենք, որ Բարձրագույն դատական խորհուրդը 2025 թվականի հունվարի 21-ին, դռնփակ նիստում, հիմք ընդունելով Գլխավոր դատախազի կողմից 2025 թվականի հունվարի 20-ին ներկայացված «ՀՀ վերաքննիչ քրեական դատարանի դատավոր Գ.Ս.-ի նկատմամբ հանրային քրեական հետապնդում հարուցելու համաձայնություն տալու վերաբերյալ» թիվ 36/13-25 միջնորդությունը բավարարելու մասին ԲԴԽ 2025 թվականի հունվարի 21-ի թիվ ԲԴԽ-7-Ո-Ք-1 որոշումը և ղեկավարվելով «Հայաստանի Հանրապետության դատական օրենսգիրք» սահմանադրական օրենքի 94-րդ հոդվածի 1-ին մասով, 165-րդ հոդվածի 1-ին մասով, Բարձրագույն դատական խորհրդի 2020 թվականի հոկտեմբերի 22-ի թիվ ԲԴԽ-68-Ն-15 որոշման 1-ին հավելվածի 86-րդ կետով՝ որոշել էր Վերաքննիչ քրեական դատարանի դատավոր Գ.Ս.-ի լիազորությունները կասեցնել՝ մինչև քրեական վարույթի ավարտը:

Հակակոռուպցիոն կոմիտեում քննված քրեական վարույթով պարզվել էր, որ դատական գործերից մեկով 2022 թվականի դեկտեմբերի 1-ին կայացած դատական նիստի ժամանակ Արարատի և Վայոց ձորի մարզերի ընդհանուր իրավասության դատարանի դատավորը հայտարարել էր, որ որոշում է կայացրել լրացուցիչ դատաավտոտեխնիկական փորձաքննություն նշանակելու մասին: Քաղաքացու փաստաբանը 2023 թվականի դեկտեմբերի 14-ին գրություն էր հասցեագրել նախագահող դատավորին և խնդրել հայտնել, թե ի՞նչ միջոցներ են ձեռնարկվել փորձաքննության եզրակացությունը ստանալու ուղղությամբ: Նույն օրը փաստաբանը գրություն էր ուղարկել նաև «ՀՀ փորձագիտական կենտրոն» ՊՈԱԿ և խնդրել հայտնել, թե ինչ փուլում է գտնվում նշված գործով փորձաքննությունը, որոնք են դրա ձգձգման պատճառները:

2023 թվականի դեկտեմբերի 21-ին «ՀՀ փորձագիտական կենտրոն» ՊՈԱԿ-ից ստացված պատասխանի համաձայն՝ նշված քրեական գործով որևէ փորձաքննություն առկա չէ:

2024 թվականի փետրվարի 7-ին փաստաբանը կրկին գրություն էր հասցեագրել նույն դատավորին՝ խնդրելով տրամադրել փորձաքննության վերաբերյալ տեղեկատվություն: Փաստաբանին հեռախոսակապի միջոցով դատավորի աշխատակազմից պատասխանել էին, որ, ինչ-որ խնդիրներով պայմանավորված, 2022 թվականի դեկտեմբերի 1-ին կայացրած որոշումը չի ուղարկվել կատարման, սակայն միջոցներ են ձեռնարկվում փորձագետի եզրակացությունը սեղմ ժամկետում ստանալու վերաբերյալ:

Դատարանին ուղղված գրություններով փաստաբանի կողմից նշվել էր նաև, որ տվյալ գործով ամբաստանյալին քրեական պատասխանատվության ենթարկելու վաղեմության ժամկետը լրանում է 2024 թվականի հունիսի 6-ին:

2024 թվականի հունիսի 6-ին «ՀՀ փորձագիտական կենտրոն» ՊՈԱԿ-ից ստացվել է լրացուցիչ դատաավտոտեխնիկական փորձաքննության եզրակացությունը, որի ուսումնասիրությամբ պարզվել է, որ 2022 թվականի դեկտեմբերի 1-ին Դատարանի կողմից կայացված՝ փորձաքննություն նշանակելու մասին որոշումը «ՀՀ փորձագիտական կենտրոն» ՊՈԱԿ-ում ստացվել է 2024 թվականի ապրիլի 12-ին:

2025 թվականի հունվարի 22-ին ՀՀ գլխավոր դատախազի տեղակալի կողմից հանրային քրեական հետապնդում էր հարուցվել դատավորի նկատմամբ՝ Քրեական օրենսգրքի 446-րդ հոդվածի 1-ին մասով (պաշտոնեական անփութություն):

Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով»,- ասված է հաղորդագրությունում։