30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Մարդ 30 տարի «Փարոս»-ի շահառու ա, մենք էլ նպաստ տալով աղքատությունն արյան մեջ ենք մտցնում. Փաշինյան․ ՏԵՍԱՆՅՈՒԹ
Հասարակություն
10.04.2025 | 12:40
Վարչապետ Նիկոլ Փաշինյանը կարծում է, որ ինչքան մարդուն օգնում են, այդքան նրա՝ «սև ցուցակում» գտնվելն «ավելի է սևանում»։
«Սա է պրոբլեմը։ Լա՛վ, մի օր հաց տվինք, երկո՞ւ օր… տասն օր, այդ ո՞ւմ փողով ենք հացը տալիս, այդ գումարը, որ պետական բյուջեն վաստակում է, ձևավորվում է աշխատողի հաշվին, հետևաբար, պետք է աջակցենք աշխատողին, իսկ չաշխատողին քաջալերենք, որ աշխատի»,- կառավարության այսօրվա նիստում հայտարարեց նա։
Ըստ Փաշինյանի՝ աշխատել հնարավոր է միայն կրթության միջոցով։
Նիկոլ Փաշինյանի մոտ հարց է ծագել՝ կարո՞ղ է Հայաստանում ընտանիք կա, որ 25-30 տարի անապահովության համակարգում է։
«Համոզված եմ, որ ունենք, սոցապնախարարին խնդրել եմ նայել, թե քանի մարդ ու ընտանիք կա, պատկերացնո՞ւմ եք՝ մարդ 30 տարի «Փարոսի» շահառու է, սա կատարյալ անհարգալից վերաբերմունք է այդ մարդու նկատմամբ։ Մենք դրանով իրենց սերնդեսերունդ դարձնում ենք աղքատ, աղքատությունը մտցնում ենք արյան մեջ»,- հայտարարեց վարչապետը։
Մանրամասները՝ տեսանյութում։
