24.06.2026 | 18:10
ՀԱՊԿ-ում կքննարկեն Հայաստանին հեռացնելու հարցը // Սեդա Սաֆարյանը կմասնակցի ՍԴ նիստին․ ԼՈՒՐԵՐ
Շտապօգնության մեքենայի վթարի հետևանքով մահացածը բժիշկն է, բուժքրոջ վիճակը ծանր է
08.04.2025 | 10:58
Առավոտյան շտապօգնության մեքենայի վթարի հետևանքով մահացածը բժիշկն է։ Տեղեկությունը Factor.am-ին հայտնեց Շտապօգնության տնօրեն Ռուբեն Գրիգորյանը։
«Բուժքրոջ վիճակը կայուն ծանր է, վիրահատվել է, գտնվում է վերակենդանացման բաժանմունքում։ Վարորդը միջին ծանրության է, գիտակցություն ունի»,- ասաց Շտապօգնություն ՓԲԸ-ի տնօրենը։
Գրիգորյանի խոսքով՝ կանչից հետ գալուց վարորդն, ամենայն հավանականությամբ, ղեկին քնել է և մեքենան վթարվել է։
Հիշեցնենք, որ այսօր ժամը 6-ի սահմաններում «Toyota» մակնիշի շտապօգնության ավտոմեքենան Թամանցիներ փողոցում՝ «Գործարանային մետրո»-ի հարևանությամբ, դուրս է եկել երթևեկելի գոտուց և բախվել էլեկտրասյանը, ինչի հետևանքով 3 անձ տեղափոխվել է հիվանդանոց։ Վթարի հետևանքով իրենց հիվանդանոց տեղափոխված 1957 թ․ ծնված Հասմիկ Ղ-ն մահացել է։
Անի Թամրազյան
