19.12.2025 | 18:58
Ադրբեջանի խորհրդարանը հաստատել է երկրի պատմության մեջ ամենամեծ համաներումը
2026 թվականի երկրորդ կիսամյակում արդեն կունենանք ներդրված կենսաչափական համակարգ․ Նելլի Դավթյան․ ՏԵՍԱՆՅՈՒԹ
Հասարակություն
07.04.2025 | 12:35
«2026 թվականի երկրորդ կիսամյակում արդեն կունենանք ներդրված կենսաչափական համակարգ․ կսկսվի կենսաչափական անձնագրերի և նույնականացման քարտերի արտադրությունը»,- այս մասին մամուլի ասուլիսի ժամանակ հայտնեց ՆԳՆ Միգրացիայի և քաղաքացիության ծառայության պետ Նելլի Դավթյանը։
Նա հիշեցրեց, որր մարտի 31-ին ՆԳՆ-ն հայտարարեց կենսաչափական համակարգի ներդրման մրցույթի հաղթող ընկերության անունը։
ՆԳՆ պաշտոնյայի ներկայացմամբ՝ պետություն-մասնավոր գործընկերության ծրագրի շրջանակում նոր նմուշի կենսաչափական անձնագրերի և նույնականացման քարտերի թողարկման համար ենթակառուցվածքի ներդրման հայտ էր ներկայացրել միջազգային երկու կոնսորցիում՝ գերմանական AUGENTIC GmbH and Imprensa Nacional-Casa da Moeda, S.A.-ն ու ֆրանսիական IDEMIA Identity Security France SAS and A.C.I. Technology S.à.r.l.-ը: Հաղթողը ֆրանսիական IDEMIA Identity Security France and A.C.I. Technology S.à.r.l. կոնսորցիումն է:
«Մենք պետք է պայմանագիրը կնքենք հաղթող ընկերության հետ։ Պայմանագիրն ընդունելի տեքստ ունի երկու կողմերի համար էլ։ Առաջիկա ամսվա ընթացքում կպայմանավորվենք երկկողմ հարմար օր ու տեղ, և փաստաթուղթը կստորագրվի»,- նշեց Դավթյանը։
Մանրամասները՝ տեսանյութում։
