17.07.2026 | 17:20
Հրայր Թովմասյանը դիմել է Մարդու իրավունքների եվրոպական դատարան
Ռուս պաշտոնյան ԱՄՆ-ում Թրամփի դեմ բողոքի ցույցերը գունավոր հեղափոխություն կազմակերպելու փորձ է անվանել
Քաղաքականություն
06.04.2025 | 13:06
Ռուսաստանի Դաշնության Ուղղակի ներդրումների հիմնադրամի (ՈՒՆՀ) ղեկավար և օտարերկրյա երկրների հետ ներդրումների և տնտեսական համագործակցության հարցերով ՌԴ նախագահի հատուկ ներկայացուցիչ Կիրիլ Դմիտրիևը X սոցիալական ցանցի իր էջում արված գրառմամբ կարծիք է հայտնել, որ ԱՄՆ-ում Hands Off «Ձեռքերդ հեռու» կարգախոսով ցույցերը կարող են գունավոր հեղափոխություն կազմակերպելու խորքային փորձ լինել․ գրում է ՌԻԱ Նովստին։
«Երբ Hands Off բողոքի ցույցերն այդքան լավ են կազմակերպված, հարց է առաջանում՝ արդյոք խորքային պետությունը չի՞ կիրառում իր գունավոր հեղափոխության մարտավարությունը դրսում, որպեսզի փորձի նման բան տանն էլ անել»,- գրել է Դմիտրիևը։
Factor.am-ը ավելի վաղ հայտնել էր, որ ԱՄՆ նախագահ Դոնալդ Թրամփի և ամերիկացի միլիարդատեր Իլոն Մասկի դեմ, այսպես կոչված, Hands Off՝ «Ձեռքերդ հեռու» կարգախոսով ցույցեր են անցկացվել ԱՄՆ բոլոր 50 նահանգների ավելի քան 1200 վայրերում։
The Guardian-ն ավելի վաղ հայտնել էր, որ Hands Off ցույցեր են տեղի ունեցել նաև Լոնդոնում, Բեռլինում և Փարիզում: Լոնդոնում ցուցարարները պաստառներ են պահել «Ատելություն չկա MAGA-ում» (MAGA- Make America Great Again -ԱՄՆ նախագահ Դոնալդ Թրամփի կարգախոսը՝ «Դարձնենք Ամերիկան կրկին մեծ»-խմբ)», «Թրամփի տեղն աղբարկղում է» կարգախոսներով։
Թարգմանությունը՝ Անահիտ Խաչատրյանի
