27.04.2025 | 21:41
Վիզայի ժամկետից ավել մնալու դեպքում կարող է սահմանվել մշտական մուտքի արգելք․ ԱՄՆ դեսպանատուն
Արտագաղթը կկրկնապատկվի. ստիպում են գնալ կոշտ քայլերի. արցախցի․ ՏԵՍԱՆՅՈՒԹ
Հասարակություն
04.04.2025 | 18:15
Արցախից բռնի տեղահանվածների աջակցության ծրագիրն ապրիլի 1-ից կրճատվել է։ Աշխատունակ արցախցիներն այլևս չեն ստանա «40․000+10․000» դրամ բնակվարձի գումարը։ Աջակցություն կտրամադրվի միայն երեխաներին (մինչև 18 տարեկան), թոշակառուներին (63 տարեկանից բարձր), 1-ին և 2-րդ խմբերի հաշմանդամներին, ինչպես նաև կերակրողին կորցրած ընտանիքներին։
Երեկ արցախահայերը հանդիպել են փոխվարչապետ Տիգրան Խաչատրյանին, որը դրական պատասխան չի տվել նրանց։
«Արտագաղթի վտանգները կրկնապատկվում են․ մինչ այս իրավիճակում հայտնվելը, շատ արցախահայեր արտագաղթել են Մայր Հայաստանից, իսկ հիմա, երբ հարցերը չլուծվեն, առաջին հերթին դա կրկնապատվելու է, երկրորդ հերթին՝ այնպիսի պատասխան են տվել, որ հետ գնալու հույսն ու հավատը կտրենք, Արցախի հարց չկա»,- Factor TV-ի հետ զրույցում ասաց «Վերածնվող Արցախ» ՀԿ ղեկավար, արցախցիների իրավունքների պաշտպանության խորհրդի անդամ Անաստաս Իսրայելյանը։
Մարտի 18-ից Արցախից բռնի տեղափոխված քաղաքացիները բողոքի ակցիաներ են անցկացնում՝ պահանջելով շարունակել ծրագիրը։ Նրանք դժգոհում են, որ ծրագրի կրճատման հետևանքով իրենց սոցիալական վիճակն է՛լ ավելի է վատանալու, իսկ նախորդ շաբաթ՝ ապրիլի 29-ի մեծ հանրահավաքից հետո վրան տեղադրեցին Ազատության հրապարակում։ Նրանք 12 կետից բաղկացած պահանջագիր են ներկայացրել ՀՀ Կառավարությանը, իսկ այսօր արցախցիների իրավունքների պաշտպանության խորհուրդը հայտարարություն կտարածի՝ հայտնելով իրենց հետագա անելիքների մասին։
Իսրայելյանի խոսքով՝ բողոքի ակցիաները շարունակվելու են, անցնելու են գործողությունների, չեն բացառում նաև փողոցային պայքարը։
Մանրամասները՝ տեսանյութում։
Արփի Հակոբյան
